Asia Cup Archery: आशिया करंडक स्पर्धेत भारतीय तिरंदाजांचा 'सुवर्ण' वेध

सातारा : इराक (iraq) येथे सुरु असलेल्या तिरंदाजीच्या (archery) आशिया करंडक (स्टेज २) (archery asia cup stage II) स्पर्धेत आज (साेमवार) भारतीय संघाने मुला आणि मुलांच्या गटात सुवर्णपदक पटकाविले. मुलींच्या गटात महाराष्ट्रातील (maharashtra) साता-यातील (satara) आदिती स्वामी (aditi swami) हिचा समावेश आहे. (asia cup stage 2 archery latest news)

स्पर्धेतील कंपाऊंड गटात भारतीय महिला तिरंदाजांनी अंतिम फेरीत कझाकिस्तानचा 204- 201 असा पराभव करीत सुवर्णपदक पटकाविले. या संघात आदिती स्वामी (archer aditi swami) (महाराष्ट्र), साक्षी चौधरी (हरियाणा), प्रणित कौर (पंजाब) आणि प्रगती (दिल्ली) यांचा समावेश आहे.

मुलींपाठाेपाठ टीम इंडियातील मुलांनी देखील सुवर्णपदक पटकाविल्याने भारतीय पाठीराख्यांनी एकच जल्लाेष केला. भारतीय संघाने बांग्लादेशचा 224 - 218 असा पराभव केला. भारतीय संघात रिशब यादव (दिल्ली) , प्रथमेश जावकर (महाराष्ट्र), कुशल (हरियाणा), प्रथमेश फुगे (महाराष्ट्र) यांचा समावेश आहे.

Edited By : Siddharth Latkar