Ind vs SL ODI Series: भारत आणि श्रीलंकेविरुद्ध सुरु असलेल्या तिसऱ्या एकदिवसीय सामन्यात शुभमन गिलची शतकी खेळी पुर्ण झाली आहे. श्रीलंकेच्या गोलंदाजांची धुलाई करत गिलने ही जबरदस्त खेळी केली. श्रीलंकेविरुद्धच्या तिसऱ्या एकदिवसीय सामन्यात गिलने जबरदस्त फलंदाजी करताना शतक झळकावले. गिलचे वनडे क्रिकेटमधील हे दुसरे शतक आहे.
गुवाहाटीमध्ये शतकापासून दूर राहिलेल्या आणि कोलकात्यात चांगली सुरुवात केल्यानंतर विकेट गमावलेल्या गिलने तिरुअनंतपुरमच्या ग्रीनफिल्ड स्टेडियममध्ये जबरदस्त शतकी खेळी करण्याचा पराक्रम केला. (Srilanka)
शेवटच्या एकदिवसीय सामन्यात प्रथम फलंदाजीसाठी उतरलेल्या भारतीय संघासाठी शुभमन गिलने कर्णधार रोहित शर्मासह चांगली सुरूवात केली. दोघांमध्ये 96 धावांची भागीदारी झाली, ती रोहित बाद झाल्यामुळे संपली. मात्र गिल फटकेबाजी करत राहिला आणि आपले अर्धशतक पूर्ण केले. यानंतर गिलने विराट कोहलीसह डाव पुढे नेला आणि आपल्या शतकाकडे वाटचाल केली.
या शतकी खेळीसोबतच शुभमन गिलने श्रीलंकेविरुद्ध शतक ठोकणारा दुसरा सर्वात युवा खेळाडू (23, वर्ष) होण्याचा मान मिळवला आहे. त्याने गौतम गंभीरला (24, वर्ष) मागे टाकत दुसरे स्थान पटकावले आहे. तर या यादीत मास्टर ब्लास्टर सचिन तेंडूलकर (21, वर्ष) पहिल्या स्थानावर आहे.
दरम्यान, या शतकी खेळीत गिलने १४ चौकार आणि दोन षटकारांची आतशबाजी केली. गिल ११६ धावा करत बाद झाला. तर दुसरीकडे कर्णधार रोहित शर्मानेही (Rohit Sharma) ४५ धावांची जबरदस्त खेळी केली. परंतु त्याला मोठ्या खेळीत मात्र रुपांतर करण्यात आले नाही.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
