Ind vs Srilanka ODI Series: भारत आणि श्रीलंका यांच्यात सुरू असलेल्या तिसऱ्या एकदिवसीय क्रिकेट सामन्यात भारतीय फलंदाजांनी लंकन गोलंदाजांची जोरदार धुलाई केली. सलामवीर शुभमन गिल पाठोपाठ विराट कोहलीनेही आपले शतक पुर्ण शतक केले आहे. विराटचे हे आंतरराष्ट्रीय कारकिर्दितील 74 वे आणि 46 वे एकदिवसीय शतक ठरले.
गेल्या काही महिन्यांपासून विराट कोहलीच्या बॅटने पुन्हा धावांचा पाऊस पाडण्यास सुरूवात केली आहे. श्रीलंकेविरुद्ध पहिल्या एकदिवसीय सामन्यातही विराटने तडाखेबंद शतकी खेळी केली होती.
याबाबत अधिक माहिती अशी की, श्रीलंकेविरुद्धच्या (Srilanka) तिसऱ्या एकदिवसीय सामन्यात शुभमन गिलने दमदार शतकी खेळी केली. त्याच्यापाठोपाठ विराट कोहलीनेही लंकन गोलंदाजांचा खरपूस समाचार घेत 85 चेंडूत त्याचे 46 वे एकदिवसीय शतक ठोकले. विराटच्या या शतकी खेळीत दहा चौकार आणि एक षटकारांचा समावेश आहे.
सचिनचा रेकॉर्ड मोडला...
या वादळी शतकासह विराटने (Virat Kohli) वनडे क्रिकेटमध्ये कोणत्याही एका संघाविरुद्ध सर्वाधिक शतके झळकावण्याच्या बाबतीत सचिनलाही मागे टाकले आहे. या यादीत विराट कोहली श्रीलंकेविरुद्ध 10 शतके ठोकत पहिल्या स्थानावर पोहोचला आहे. तर सचिन तेंडूलकर ऑस्ट्रेलियाविरुद्ध ठोकलेल्या 9 शतकांसह दुसऱ्या स्थानावर आहे.
मायदेशात सर्वाधिक शतके:
श्रीलंकेविरुद्ध केलेल्या या शतकासोबत विराटने मायदेशात सर्वाधिक शतके ठोकण्याचा विक्रमही आपल्या नावावर केला आहे. या शतकासोबत विराटने मायदेशात 21 शतके पुर्ण केली आहेत, तर त्याच्या खालोखाल सचिन तेंडूलकर 20 शतकांसह दुसऱ्या स्थानावर आहे.
विराट आणि शुभमन गिलच्या दमदार शतकांच्या जोरावर भारतीय संघाने 50 षटकात 390 धावा केल्या आहेत. त्यामुळे आता श्रीलंकेपुढे 391धावांचे मोठे लक्ष असणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
