भारत आणि इंग्लंड यांच्यातील ५ टी-२० सामन्यांच्या मालिकेतील पाचवा सामना मुंबईतील वानखेडे स्टेडियमवर रंगणार आहे. भारतीय संघाने आधीच ही मालिका ३-१ ने जिंकली आहे. मालिकेतील पाचवा सामना जिंकून भारतीय संघ ही मालिका ४-१ ने आपल्या नावावर करण्याच्या प्रयत्नात असणार आहे.
यापूर्वी मालिकेतील चौथा सामना पुण्यातील महाराष्ट्र क्रिकेट असोसिएशनच्या मैदानावर पार पडला होता. या मैदानावर भारतीय गोलंदाजांनी दमदार कामगिरी करुन भारतीय संघाला विजय मिळवून दिला. दरम्यान पाचव्या सामन्यासाठी खेळपट्टी कोणाला साथ देणार? जाणून घ्या.
भारत आणि इंग्लंड यांच्यातील शेवटच्या सामन्यातील थरार मुंबईतील वानखेडे स्टेडियमवर रंगणार आहे. या मैदानावरील खेळपट्टी ही फलंदाजांसाठी नेहमीच फायदेशीर ठरते. या मैदानावर हाय स्कोरींग सामने पाहायला मिळाले आहेत.
त्यामुळे क्रिकेट चाहत्यांना आणखी एक हाय स्कोरिंग सामना पाहायला मिळू शकतो. या सामन्यातही नाणेफेक जिंकणारा संघ प्रथम गोलंदाजी करण्याचा निर्णय घेऊ शकतो. या मैदानावर यापूर्वीही धावांचा यशस्वी पाठलाग केला आहे.
भारताने मालिकेतल ३ सामने जिंकले असले तरीदेखील इंग्लंडचा संघ मालिकेतील शेवटचा सामना जिंकून शेवट गोड करण्याच्या प्रयत्नात असणार आहे. त दुसरीकडे भारतीय संघ शेवटचा सामना जिंकून मालिका ४-१ ने खिशात घालण्याच्या प्रयत्नात असणार आहे. या सामन्यात भारतीय संघातील काही प्रमुख खेळाडूंना विश्रांती दिली जाऊ शकते. त्यामुळे इंग्लंडकडेही कमबॅक करण्याची संधी असणार आहे.
संजू सॅमसन (यष्टीरक्षक), अभिषेक शर्मा, तिलक वर्मा, सूर्यकुमार यादव (कर्णधार), शिवम दुबे, रिंकू सिंग, रमनदीप सिंग, वरुण चक्रवर्ती, रवि बिश्नोई, हर्षित राणा आणि मोहम्मद शमी.
या सामन्यासाठी अशी असू शकते इंग्लंडची प्लेइंग ११:
फिल सॉल्ट, बेन डकेट, जोस बटलर (कर्णधार आणि यष्टीरक्षक), हॅरी ब्रूक, लियाम लिविंगस्टन, जेकब बीथल, जेमी स्मिथ, आदिल रशीद, साकिब महमूद, ब्रायडन कार्स आणि जोफ्रा आर्चर.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.