भारत विरुद्ध बांगलादेश या दोन्ही संघांमध्ये आशिया चषक २०२३ स्पर्धेतील सुपर ४ चा अंतिम सामना सुरू आहे. कोलंबोच्या मैदानावर सुरू असलेल्या या सामन्यात बांगलादेशने प्रथम फलंदाजी करताना ८ गडी बाद २६५ धावा केल्या आहेत. भारतीय संघाला हा सामना जिंकण्यासाठी २६६ धावांची गरज आहे. सामन्यात भारतीय कर्णधार रोहित शर्माने नाणेफेक जिंकून बांगलादेशला प्रथम फलंदाजी करण्याचे आमंत्रण दिले होते.
या सामन्यात भारतीय संघाचा कर्णधार रोहित शर्माने नाणेफेक जिंकून प्रथम गोलंदाजी करण्याचा निर्णय घेतला होता. बांगलादेशकडून फलंदाजी करताना शाकिब अल हसनने सर्वाधिक ८० धावांची खेळी केली. या खेळीदरम्यान त्याने ६ चौकार आणि ३ षटकार मारले. त्याचे शतक अवघ्या २० धावांनी हुकले. तर तोहीद हृदोयने ५४ धावांची खेळी केली. या खेळी दरम्यान त्याने ५ चौकार आणि २ षटकार खेचले. शेवटी नसूम अहमदने ४४ धावांचे योगदान दिले. या बांगलादेशने ८ गडी बाद २६५ धावा केल्या आहेत.
या सामन्यासाठी अशी आहे भारतीय संघाची प्लेइंग ११:
रोहित शर्मा (कर्णधार), शुभमन गिल, सूर्यकुमार यादव, तिलक वर्मा, केएल राहुल (यष्टीरक्षक), ईशान किशन, रविंद्र जडेजा, अक्षर पटेल, शार्दुल ठाकूर, मोहम्मद शमी, प्रसिद्ध कृष्णा
या सामन्यासाठी अशी आहे बांगलादेश संघाची प्लेइंग ११:
लिटन दास (यष्टीरक्षक), तनझिद हसन, अनामूल हक, शाकिब अल हसन (कर्णधार), तौहीद ह्रदोय, शमीम हुसेन, मेहिदी हसन मिराझ, महेदी हसन, नसुम अहमद, तन्झिम हसन साकिब, मुस्तफिजुर रहमान
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.