IND vs AUS 3rd ODI Live Score : सिडनीमध्ये सुरू असलेल्या अखेरच्या वनडे सामन्यात भारतीय गोलंदाजांनी भेदक मारा केलाय. हर्षित राणा, वॉशिंग्टन सुंदर, अक्षर पटेल यांच्या भेदक माऱ्यासमोर ऑस्ट्रेलियाचा संघ मायदेशात २३६ धावांवर ढेपाळला. ऑस्ट्रेलियाकडून मॅथ्यू रेनशॉ याने सर्वाधिक धावा केल्या. मॅथ्यू रेनशॉ याने ५६ धावांची खेळी केली, हे त्याचं पहिलं अर्धशतक होतं. त्याआधी कर्णधार मिशेल मार्श याने ४१ धावांची शानदार खेळी केली. IND vs AUS 3rd ODI Sydney highlights
भारताकडून हर्षित राणा सर्वोत्कृष्ट गोलंदाज ठरला, त्याने चार फलंदाजांना माघारी धाडले. तर वॉशिंग्टन सुंद याने दोन कांगारूंची शिकार केली. कुलदीप यादव, सिराज, प्रसिद्ध कृष्णा आणि अक्षर पटेल यांनी प्रत्येकी एक एक विकेट घेतली. तीन सामन्याची वनडे मालिकेवर याआधीच ऑस्ट्रेलियाने कब्जा मिळवलाय. सिडनी येथे सुरू असलेल्या वनडे मालिकेत भारतीय संघ क्लीन स्वीप टाळण्यासाठी मैदानात उतरलाय. आता भारतापुढे ५० षटकात २३७ धावांचे आव्हान असेल.
ऑस्ट्रेलियाचा कर्णधार शॉन मार्श याने नाणेफेक जिंकून प्रथम फंलदाजीचा निर्णय घेतला. ऑस्ट्रेलियाकडून मार्श अन् हेड यांनी दमदार सुरूवात दिली. ऑस्ट्रेलिया एकवेळ ३ बाद १८३ धावा, अशा मजबूत स्थितीत होता. पण भारतीय गोलंदाजांनी भेदक मारा करत अखेरचे ७ फलंदाज फक्त ५३ धावांत तंबूत धाडले. हर्षित राणा याने 8.4 षटकात ३९ धावांच्या मोबदल्यात ४ विकेट घेतल्या. तर सिराजने ५ षटकात २४ धावा खर्च करत एक विकेट घेतली. वॉशिंग्टन सुंदर याने १० षटकात फक्त ४४ धावा खर्च करत दोन कांगारूंची शिकार केली. कुलदीप यादव, प्रसिद्ध कृष्णा आणि अक्षर पटेल यांनी प्रत्येकी एक एक विकेट घेतली.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.