India Playing 11 vs Eng : ओव्हल कसोटीत टीम इंडियात होणार ४ बदल; अशी असू शकते संभाव्य प्लेइंग ११

भारतीय संघात होणारे चार बदल कोणते?

मीडिया रिपोर्ट्सनुसार, भारतीय संघात चार बदल होऊ शकतात. आता कोणते चार बदल होतील हा प्रश्न आहे. दोन बदल तर निश्चित मानले जात आहेत. पायाच्या दुखापतीमुळं बाहेर झालेला रिषभ पंत आणि वेगवान गोलंदाज जसप्रीत बुमराहच्या जागी इतर दोन खेळाडूंना संधी मिळेल. तर उर्वरित दोन खेळाडू कोण असतील याबाबत तर्कवितर्क लढवले जात आहेत.

रिपोर्ट्सनुसार, रिषभ पंतच्या जागी ध्रुव जुरेल खेळण्याची शक्यता दाट आहे. जुरेलला संधी मिळणे जवळपास निश्चित मानले जात आहे. दुसरीकडे, जसप्रीत बुमराहच्या जागी वेगवान गोलंदाज अर्शदीप सिंगला संधी मिळू शकते. तसं झालं तर त्याला आंतरराष्ट्रीय कसोटी संघात पदार्पणाची संधी मिळेल. तो भारतीय कसोटी संघाची कॅप मिळवणारा ३१९ वा खेळाडू ठरेल.

आकाश दीप आणि कुलदीप यादवला मिळू शकते संधी

मिळालेल्या माहितीनुसार, जसप्रीत बुमराह संघाबाहेर झाल्यास गोलंदाजी कमकुवत होणार असे मानले जाते. पण त्याच्या जागी आता आकाश दीपला संधी दिली जाऊ शकते. आकाश दीपला दुखापतीमुळं मँचेस्टर कसोटीत खेळण्याची संधी मिळाली नव्हती. जर आकाश दीपचा संघात समावेश केला तर, अंशुल कंबोजला प्लेइंग ११ मधून बाहेर पडावे लागणार आहे.

ओव्हल कसोटीत स्पेशालिस्ट फिरकीपटू कुलदीप यादवला संधी मिळण्याची शक्यता अधिक आहे. नेटमध्ये तो सराव करताना दिसत आहे. सराव सत्रात प्रशिक्षक गौतम गंभीर त्याच्याशी वेगवेगळ्या मुद्द्यांवर चर्चा करताना दिसत होता. कुलदीप यादव प्लेइंग इलेव्हनमध्ये आलाच तर, अष्टपैलू खेळाडू शार्दुल ठाकूरला संघाबाहेर जावे लागेल.

ओव्हल कसोटीत भारतीय संघाची संभाव्य प्लेइंग इलेव्हन

शुभमन गिल हा कर्णधार असणार आहे. यशस्वी जयस्वाल आणि केएल राहुल हे सलामीला येतील. साई सुदर्शन संघात कायम असेल. ध्रुव जुरेल हा रिषभ पंतची जागा घेईल. चौथ्या कसोटीत जिगरबाज फलंदाजी करून पराभवाची नामुष्की टाळणारा रवींद्र जडेजा आणि वॉशिंग्टन सुंदर हा संघात असेल. कुलदीप यादवची एन्ट्री होईल. मोहम्मद सिराज, आकाश दीप आणि अर्शदीप सिंग हे वेगवान गोलंदाजीची धुरा सांभाळताना दिसतील.