IND vs WI 3rd T20 Highlights: सूर्याच्या वादळाचा विंडीजला तडाखा; तिसरा सामना जिंकत टीम इंडियाचं दमदार कमबॅक

IND vs WI 3rd T20 Match Result: भारतीय संघाने दमदार कामगिरी करत विजय मिळवला आहे.
ind vs wi 3rd t20i
ind vs wi 3rd t20isaam tv

India vs West Indies 3rd T20I:

भारत विरुद्ध वेस्टइंडीज या दोन्ही संघांमध्ये ५ टी -२० सामन्यांच्या मालिकेतील तिसरा सामना पार पडला. गयानाच्या मैदानावर पार पडलेल्या या सामन्यात भारतीय संघाने ७ गडी राखून विजय मिळवला आहे.

यासह भारतीय संघाने या मालिकेत २-१ ने दमदार कमबॅक केले आहे. या सामन्यात अर्धशतकी खेळी करणारा सूर्यकुमार यादव विजयाचा हिरो ठरला आहे.

ind vs wi 3rd t20i
IND vs WI 3rd T20I: टीम इंडियासमोर विजयासाठी १६० धावांचं लक्ष्य; कुलदीपच्या फिरकीने केली कमाल

गयानाच्या मैदानावर सूर्यकुमार यादवची कमाल..

या सामन्यात वेस्टइंडीज संघाने प्रथम फलंदाजी करत २० षटक अखेर ५ गडी बाद १५९ धावा केल्या होत्या. या धावांचा पाठलाग करताना सूर्यकुमार यादव तिसऱ्या क्रमांकावर फलंदाजी करण्यासाठी आला होता.

या धावांचा पाठलाग करताना त्याने वेस्टइंडीजच्या गोलंदाजांचा चांगलाच समाचार घेतला. त्याने चौफेर फटकेबाजी करत ४४ चेंडूंमध्ये ८३ धावांची खेळी केली. या खेळी दरम्यान त्याने १० चौकार आणि ४ षटकार मारले.

विजयासाठी १६० धावांचे आव्हान..

वेस्टइंडीजचा संघ नाणेफेक जिंकून प्रथम फलंदाजी करण्यासाठी मैदानावर आला होता. वेस्टइंडीजकडून प्रथम फलंदाजी करताना ब्रेंडन किंगने सर्वाधिक ४२ धावांची खेळी केली होती. तर रोमेन पॉवेलने नाबाद ४० धावांची खेळी केली.

या खेळीच्या बळावर वेस्टइंडीजने २० षटक अखेर ५ गडी बाद १५९ धावा केल्या होत्या. तर भारतीय संघाकडून गोलंदाजी करताना कुलदीप यादवने ४ षटक गोलंदाजी करत २८ धावा खर्च करत सर्वाधिक ३ गडी बाद केले. तर अक्षर पटेल आणि मुकेश कुमारने प्रत्येकी १-१ गडी बाद केला. (Latest sports updates)

ind vs wi 3rd t20i
IND vs WI Weather Update: निर्णायक सामन्यापूर्वी टीम इंडियासाठी वाईट बातमी!तिसरा सामना रद्द होण्याची शक्यता? हे आहे मोठं कारण

भारतीय फलंदाज ठरले हिट...

सूर्यकुमार यादवने तुफान फटकेबाजी करत भारतीय संघाला मजबूत स्थितीत पोहचवलं होतं. तिलक वर्माने या सामन्यातही नाबाद ४९ धावांची खेळी केली. तर कर्णधार हार्दिक पंड्याने नाबाद २० धावांची खेळी करत भारतीय संघाला विजय मिळवून दिला. यासह भारतीय संघाने या मालिकेत २-१ ने दमदार कमबॅक केले आहे.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com