IND vs SA 2Nd T20I: दक्षिण आफ्रिकेच्या गोलंदाजांनी दुसऱ्या टी -२० सामन्यात भारतीय फलंदाजांना चांगलाच घाम फोडला. प्रथम फलंदाजीसाठी आलेल्या भारतीय संघाला दक्षिण आफ्रिकेने एकापाठोपाठ एक मोठे धक्के दिले.
सुरुवातीला मोठे धक्के बसल्यानंतर शेवटी अक्षर पटेलने भारतीय संघाचा डाव सांभाळण्याचा प्रयत्न केला. मात्र नशिबाने त्याला साथ दिली नाही. त्यामुळे त्याला आगळ्या वेगळ्या पद्धतीने बाद होऊन माघारी परतावं लागलं आहे.
या सामन्यात अक्षर पटेल पाचव्या क्रमांकावर फलंदाजीला आला होता. ज्यावेळी तो फलंदाजीला आला त्यावेळी भारतीय संघ अडचणीत होता. अवघ्या ४५ धावांवर भारताचे ४ फलंदाज तंबूत होते. त्यामुळे भारतीय संघाला भागीदारीची गरज होती. अक्षरने हार्दिकसोबत मिळून डाव सांभाळण्याचा प्रयत्न केला. ही भागीदारी पुढे जात होते. मात्र नशीब खराब असल्यामुळे त्याला धावबाद होऊन माघारी परतावं लागलं.
तर झाले असे की, भारतीय संघाची फलंदाजी सुरू असताना दक्षिण आफ्रिकेकडून १२ वे षटक टाकण्यासाठी पीटर गोलंदाजीला आला. त्यावेळी हार्दिक पंड्या स्ट्राईकवर होता. हार्दिकने सरळ शॉट मारला. त्यावेळी अक्षर पटेल क्रिझच्या बाहेर आला होता. त्यामुळे चेंडू पीटरच्या हाताला लागून यष्टीला जाऊन धडकला. त्यामुळे त्याला बाद घोषित केलं.
या सामन्यात दक्षिण आफ्रिकेने भारतीय संघाला प्रथम फलंदाजी करण्याचं आमंत्रण दिलं होतं. भारतीय संघाकडून प्रथम फलंदाजी करताना संजू सॅमसन ०, अभिषेक शर्मा ४, सूर्यकुमार ४, तिलक वर्मा २० , अक्षर पटेल २७ धावा करत माघारी परतला. तर हार्दिक पंड्या ३९ धावांवर नाबाद परतला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.