भारत आणि दक्षिण आफ्रिका या दोन्ही सामन्यांमध्ये आयसीसी टी-२० वर्ल्डकप २०२४ स्पर्धेतील फायनलचा सामना सुरु आहे. या सामन्यात भारतीय कर्णधार रोहित शर्माने नाणेफेक जिंकला आणि क्षणही न दवडता फलंदाजी घेण्याचा निर्णय घेतला. हा निर्णय विराट कोहली आणि अक्षर पटेलने सार्थ ठरवला आहे. भारतीय संघाने पहिल्या डावात १७६ धावा केल्या आहेत. दक्षिण आफ्रिकेला हा सामना जिंकण्यासाठी १७७ धावांची गरद आहे.
या सामन्यात भारतीय संघाने नाणेफेक जिंकत प्रथम फलंदाजी करण्याचा निर्णय घेतला. भारतीय संघाकडून प्रथम फलंदाजी करताना रोहित शर्मा ९ तर रिषभ पंत शून्यावर माघारी परतला. त्यानंतर सूर्या ३ धावा करत माघारी परतला. त्यानंतर विराट कोहली आणि अक्षर पटेलने भारतीय संघाचा डाव सांभाळला. अक्षर पटेलने ४७ आणि विराट कोहलीने ७६ धावांची खेळी केली. शेवटी शिवम दुबेने२७ आणि हार्दिक पंड्याने ५ धावा केल्या.
या सामन्यासाठी अशी आहे दोन्ही संघांची प्लेइंग ११
भारत प्लेइंग इलेव्हन:
रोहित शर्मा (कर्णधार), विराट कोहली, ऋषभ पंत (यष्टीरक्षक), सूर्यकुमार यादव, शिवम दुबे, हार्दिक पंड्या, रवींद्र जडेजा, अक्षर पटेल, कुलदीप यादव, अर्शदीप सिंग आणि जसप्रीत बुमराह
दक्षिण आफ्रिका प्लेइंग इलेव्हन:
क्विंटन डी कॉक (यष्टीरक्षक), रीझा हेंड्रिक्स, एडन मार्कराम (कर्णधार), हेनरिक क्लासेन, डेव्हिड मिलर, ट्रिस्टन स्टब्स, मार्को जेन्सेन, केशव महाराज, कागिसो रबाडा, ॲनरिक नॉर्टजे, तबरेझ शम्सी.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
