IND vs ENG T20 WC Semi Final: टीम इंडिया की इंग्लंड, कोणता संघ आहे दमदार? फायनलचं तिकीट कोणाला मिळणार? जाणून घ्या हेड-टू-हेड रेकॉर्ड

टी-२० वर्ल्ड कपमधील दुसरा उपांत्य सामना आज भारत आणि इंग्लंड यांच्यात होत आहे. या सामन्यातील विजेता संघ ८ मार्च रोजी अहमदाबादमध्ये न्यूझीलंडविरुद्ध अंतिम सामना खेळणार आहे. उपांत्य फेरीतील दुसरा सामना मुंबईच्या वानखेडे येथे होणार आहे. भारत आणि इंग्लंड सलग तिसऱ्यांदा टी-२० वर्ल्डकपच्या उपांत्य फेरीत आमनेसामने आले आहेत. २०२२ मध्ये भारताचा पराभव झाला होता, तर २०२४ मध्ये भारताने इंग्लंडचा पराभव केला होता.

इंग्लंडने टी-२० वर्ल्डकपमध्ये यापूर्वी पाच वेळा भारताचा सामना केला आहे. यात उपांत्य फेरीचाही समावेश आहे. २०२४ मध्ये झालेल्या सामन्यात टीम इंडियाने विजय मिळवला होता. त्यामुळे भारताने हेड-टू-हेड ३-२ अशी आघाडी घेतली आहे, दरम्यान या स्पर्धेत अद्याप कोणत्याही संघाला सलग दोन सामने जिंकता आले नाहीत. एकूण टी-२० सामन्यांमध्ये भारतीय संघाचा रेकॉर्ड चांगला आहे. २९ सामन्यांपैकी इंग्लंडने १२ आणि भारताने १७ सामन्यांमध्ये विजय मिळवलाय.

प्रथम गोलंदाजी घेणार टीम इंडिया

वानखेडे स्टेडियमची खेळपट्टी फलंदाजांसाठी अनुकूल मानली जाते. संध्याकाळच्या सामन्यात ड्यु फॅक्टर महत्त्वाचा ठरणार आहे. त्यामुळे गोलंदाजांना चेंडू पकडणे कठीण जाते आणि फलंदाजांना खेळणे सोपे होते. म्हणूनच अनेक संघ टॉस जिंकल्यावर प्रथम गोलंदाजी करण्याचा निर्णय घेतात.

प्लेइंग ११

टीम इंडिया त्यांच्या प्लेइंग इलेव्हनमध्ये कोणतेही बदल करण्याच्या मनःस्थितीत दिसत नाही. दरम्यान, न्यूझीलंडविरुद्धच्या शेवटच्या सामन्यात इंग्लंडने रेहान अहमदला अतिरिक्त फिरकी गोलंदाज म्हणून समाविष्ट केले आणि त्याने उत्कृष्ट अष्टपैलू कामगिरी केली.