Ind Vs Eng : भारताचं टेन्शन मिटलं, इंग्लंडचा खतरनाक गोलंदाज दुसरी कसोटी खेळणार नाही

India Vs England यांच्यामध्ये पाच सामन्यांची कसोटी मालिका सुरु आहे. मालिकेतील दुसरा सामना बर्मिंगहॅम येथील एजबॅस्टन क्रिकेट स्टेडियमवर खेळला जाणार आहे. या सामन्यापूर्वी मोठी अपडेट समोर आली आहे. इंग्लंडच्या संघाने दुसऱ्या सामन्यामध्ये सहभागी होणाऱ्या अकरा शिलेदारांच्या नावांची घोषणा केली आहे.

इंग्लंडचा वेगवान गोलंदाज जोफ्रा आर्चर एजबॅस्टन कसोटी सामना खेळण्यासाठी सज्ज झाला होता. पण ऐनवेळी आलेल्या आपत्कालीन परिस्थितीमुळे त्याने अचानक संघ सोडण्याचा आणि दुसरा कसोटी सामना न खेळण्याचा निर्णय घेतला आहे. इंग्लंडच्या सराव सत्रामध्येही जोफ्रा आर्चर दिसला नव्हता. संघाने प्लेईंग ११ ची घोषणा केली. यामध्ये आर्चरने नाव नव्हते.

पहिल्या भारत विरुद्ध इंग्लंड कसोटी सामन्यामध्ये इंग्लंडचा विजय झाला होता. या सामन्यात जोफ्रा आर्चर सहभागी झाला नव्हता. काही दिवसांपूर्वी तो दुसरा कसोटी सामना खेळणार असल्याची घोषणा करण्यात आली होती. पण काही कौटुंबिक समस्यांमुळे एजबॅस्टन कसोटीमध्ये तो सहभागी होणार नसल्याचे इंग्लंडकडून स्पष्ट करण्यात आले आहे.

दुसऱ्या कसोटीसाठी इंग्लंडचे ११ शिलेदार

इंग्लंडची प्लेइंग इलेव्हन - झॅक क्रॉली, बेन डकेट, ऑली पोप, जो रूट, हॅरी ब्रूक, बेन स्टोक्स (कर्णधार), जॅमी स्मिथ, ख्रिस वोक्स, ब्रेडन कार्स, जोश टंग, शोएब बशीर

जोफ्रा आर्चर जवळपास चार वर्षांनी कसोटी क्रिकेट खेळणार होता. दुखापतींमुळे तो बराच काळ इंग्लंडच्या कसोटी संघापासून दूर राहिला होता. शेवटचा कसोटी सामना आर्चरने भारताच्या विरोधात खेळला होता. आता पुन्हा भारत विरुद्ध खेळताना तो कसोटी फॉरमॅटमध्ये पुनरागमन करणार होता. पण काही कारणांमुळे तो एजबॅस्टन कसोटीसाठीच्या संघात दिसणार नाही.