IND vs ENG: इंग्लंडचा गोलंदाजीचा निर्णय! शमीला डच्चू, या 3 खेळाडूंचं संघात कमबॅक; पाहा प्लेइंग ११

भारत आणि इंग्लंड या दोन्ही संघांमध्ये सुरु असलेल्या ५ टी-२० सामन्यांच्या मालिकेतील चौथा सामना पुण्यातील महाराष्ट्र क्रिकेटच्या मैदानावर सुरु आहे. या सामन्यात इंग्लंडचा कर्णधार जोस बटलरने पहिल्यांदाच नाणफेक जिंकून प्रथम गोलंदाजी करण्याचा निर्णय घेतला आहे.

यापूर्वी झालेल्या तिन्ही सामन्यांमध्ये भारतीय संघाने नाणेफेक जिंकून प्रथम गोलंदाजी करण्याचा निर्णय घेतला होता. दरम्यान या सामन्यासाठी कशी आहे भारतीय संघाची प्लइंग ११? जाणून घ्या.

अर्शदीप सिंगचं कमबॅक

या सामन्यात भारतीय संघ प्रथम फलंदाजी करण्यासाठी मैदानात उतरणार आहे. मालिका जिंकायची असेल तर भारतीय संघाला कुठल्याही परिस्थितीत हा सामना जिंकणं गरजेचं असणार आहे. या सामन्यासाठी भारतीय संघाच्या प्लेइंग ११ मध्ये मोठे बदल करण्यात आले आहेत.

या सामन्यात अर्शदीप सिंगला संधी दिली गेली आहे. तर मोहम्मद शमीला विश्रांती दिली गेली आहे. तर ध्रुव जुरेलच्या जागी रिंकू सिंगचा संघात समावेश केला गेला असून, वॉशिंग्टन सुंदरच्या जागी शिवम दुबेला प्लेइंग ११ मध्ये संधी दिली गेली आहे.

भारतीय संघासह इंग्लंडच्या प्लेइंग ११ मध्ये देखील २ मोठे बदल करण्यात आले आहेत. या सामन्यातून मार्क वूडला विश्रांती देण्यात आली आहे. तर त्याच्या जागी साकीब महमूदला संधी दिली गेली आहे.

तर स्मिथच्या जागी जेकब बेथलला प्लेइंग ११ मध्ये संधी दिली गेली आहे. इंग्लंडने गेल्या सामन्यात दमदार कामगिरी केली होती. तिसरा सामना जिंकून इंग्लंडने २-१ ने मालिकेत कमबॅक केलं. तर हा सामना जिंकून इंग्लंडचा संघ मालिका बरोबरीत आणण्याच्या प्रयत्नात असणार आहे.

भारत (Playing XI): संजू सॅमसन (विकेटकीपर), अभिषेक शर्मा, सूर्यकुमार यादव (कर्णधार), तिलक वर्मा, हार्दिक पांड्या, शिवम दुबे, रिंकू सिंग, अक्षर पटेल, अर्शदीप सिंग, रवी बिश्नोई, वरुण चक्रवर्ती.

इंग्लंड (Playing XI): फिलिप सॉल्ट (विकेटकीपर), बेन डकेट, जोस बटलर (कर्णधार), हॅरी ब्रूक, लियाम लिव्हिंगस्टोन, जेकब बॅथेल, जेमी ओव्हर्टन, ब्रायडन कार्स, जोफ्रा आर्चर, आदिल रशीद, साकिब महमूद.