Ind Vs Eng 1st Test : भारत विरुद्ध इंग्लंड कसोटी मालिकेतील पहिला सामना लीड्समधील हेडिंग्ले स्टेडियमवर खेळला जात आहे. आज कसोटी सामन्याचा पाचवा आणि शेवटचा दिवस आहे. सामन्यामध्ये इंग्लंडचे फलंदाज वरचढ ठरत आहेत. भारतीय गोलंदाजांकडून विकेटसाठी शर्थीचे प्रयत्न सुरु आहेत. हा सामना पावसामुळे थांबला असल्याची माहिती समोर आली आहे. जर पावसामुळे सामना रद्द झाला, तर रिझर्व्ह डे नसल्याने सामना ड्रा होईल.
तेंडुलकर-अँडरसन ट्रॉफी २०२५ च्या पहिल्या कसोटी सामन्यात इंग्लंडचा कर्णधार बेन स्टोक्सने टॉस जिंकला आणि भारताला प्रथम फलंदाजी करण्यासाठी आमंत्रित केले. भारताकडून पहिल्या डावात यशस्वी जैस्वाल, शुभमन गिल आणि रिषभ पंत यांनी दमदार शतके झळकावली. या जोरावर भारतीय संघाने पहिल्या डावात ४७१ धावा केल्या.
भारतानंतर इंग्लंडचा संघ फलंदाजीसाठी मैदानात उतरला आणि इंग्लंडच्या फलंदाजांनीही जोरदार प्रतिकार केला. इंग्लंडचा पहिला डाव ४६५ धावांवर संपुष्टात आला. दुसऱ्या डावात भारताकडून केएल राहुल आणि रिषभ पंत यांनी पुन्हा एकदा जबरदस्त शतकी खेळी करत संघाचा डाव सावरण्याचा प्रयत्न केला. अखेरीस भारताचा दुसरा डाव ३६४ धावांवर संपला. इंग्लंडसमोर विजयासाठी ३७१ धावांचे लक्ष्य उभे राहिले.
पाचव्या दिवसाच्या सुरुवातीला इंग्लंडसमोर ९० ओव्हर्समध्ये ३५० धावांचे लक्ष्य होते. झॅक क्रावली आणि बेन डकेट ही इंग्लंडची सलामीवीरांची जोडी मैदानात उतरली. दोघांनी प्रसंगावधान राखत परिस्थितीअनुरुप खेळ केला. बेन डकेटने शतकीय, तर झॅक क्रावलीने अर्धशतकीय खेळी केली. या सलामीच्या फलंदाजांमुळे सामना भारताच्या हातून निसटला असल्याचे म्हटले जात आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.