IND vs AUS ODI : भारताविरुद्धच्या वनडे मालिकेसाठी ऑस्ट्रेलियन संघात मोठे बदल; ३ तगड्या खेळाडूंची वापसी

IND Vs AUS Squad: भारताविरुद्धच्या वनडे मालिकेसाठी ऑस्ट्रेलियन संघात मोठे फेरबदल करण्यात आले आहेत.
IND vs AUS ODI Series
IND vs AUS ODI Series Saam TV

IND vs AUS ODI Series : बॉर्डर-गावसकर कसोटी मालिकेतील पहिल्या दोन सामन्यांमध्ये टीम इंडियाने (Team India) ऑस्ट्रेलियाचा दारुण पराभव केला. सलग दोन पराभवानंतर ऑस्ट्रेलियाचं भारतात येऊन बॉर्डर-गावसकर ट्रॉफी जिंकण्याचं स्वप्न भंगलं. हा पराभव ऑस्ट्रेलियाच्या चांगलाच जिव्हारी लागला असून आता भारताविरुद्धच्या वनडे मालिकेसाठी ऑस्ट्रेलियन संघात मोठे फेरबदल करण्यात आले आहेत. (Latest Sports Updates)

IND vs AUS ODI Series
Team India Vice Captain : रोहित शर्माचा मित्र होणार टीम इंडियाचा उपकर्णधार; केएल राहुलनंतर कुणाला मिळणार संधी?

वनडे मालिकेसाठी ऑस्ट्रेलियन संघाची घोषणा करताना १६ सदस्यीय संघाचं कर्णधारपद पॅट कमिन्सकडे सोपवण्यात आलं आहे. या मालिकेसाठी काही स्टार खेळाडूंचं संघात पुनरागमन झालं आहे. त्यामध्ये ग्लेन मॅक्सवेलचाही समावेश आहे. त्यासोबत झाय रिचर्डसन आणि मिचेल मार्श हेही संघात परतले आहेत.

भारत आणि ऑस्ट्रेलिया (India vs Australia)  यांच्यातील वनडे मालिकेची सुरुवात ही १७ मार्चपासून होणार आहे. जोश हेझलवूड दुखापतीमुळे या मालिकेत खेळणार नाही. ग्लेन मॅक्सवेल, मिचेल मार्श आणि जाय रिचर्ड्सन हे तिन्ही खेळाडू ऑस्ट्रेलियाचे टॉप प्लेयर आहेत.  (Latest Marathi News)

व्हाइट बॉल म्हणजे मर्यादीत षटकांच्या क्रिकेटमध्ये हे तिन्ही मॅच विनर प्लेयर्स आहेत. या तिघांशिवाय ऑस्ट्रेलियाची बाजू कमकुवत दिसत होती. दुखापतीमुळे हे तिन्ही प्लेयर्स ऑस्ट्रेलियन टीममध्ये नव्हते. आता फिट होऊन हे तिन्ही प्लेयर्स टीममध्ये परतले आहेत.

एकदिवसीय मालिकेसाठीचा ऑस्ट्रेलियन संघ

पॅट कमिन्स (कर्णधार), सीन अ‍ॅबॉट, अ‍ॅस्टन अ‍ॅगर, अ‍ॅलेक्स कॅरी, कॅमरून ग्रीन, ट्रॅविस हेड, जोश इंगलिस, मार्नस लाबुशेन, मिचेल मार्श, ग्लेन मॅक्सवेल, झाय रिचर्डसन, स्टीव्हन स्मिथ, मिचेल स्टार्क, मार्कस स्टोइनिस, डेव्हिड वॉर्नर, अ‍ॅडम झाम्पा.

ऑस्ट्रेलियाचे भारत दौऱ्यातील उर्वरित सामने

तिसरा कसोटी सामना १ ते ५ मार्च (इंदूर)

चौथा कसोटी सामना ९ ते १३ मार्च (अहमदाबाद)

पहिला एकदिवसीय सामना १७ मार्च (मुंबई)

दुसरा एकदिवसीय सामना १९ मार्च (विशाखापट्टणम)

तिसरा एकदिवसीय सामना २२ मार्च (चेन्नई)

Edited By - Satish Daud

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com