सूर्यकुमार यादवच्या नेतृत्वाखाली टीम इंडियाने रविवारी आयसीसी टी-२० वर्ल्डकप २०२६ च्या ट्रॉफीवर नाव कोरलंय. अहमदाबादच्या नरेंद्र मोदी स्टेडियमवर भारताने न्यूझीलंडचा ९६ रन्सने पराभव करत सलग दुसऱ्यांदा टी-२० वर्ल्डकपवर कोरलंय. टीम इंडियाने २० ओव्हर्समध्ये २५५ रन्स केले होते. यावेळी न्यूझीलंडची टीम १५९ रन्सवर आटोपली. या विजयानंतर टीम इंडियाने मैदानातच सेलिब्रेशनला सुरुवात केल्याचं पाहायला मिळालं.
आंतरराष्ट्रीय क्रिकेट परिषदेचे अध्यक्ष जय शाह यांनी आयसीसी टी२० वर्ल्डकप २०२६ ट्रॉफी टीम इंडियाला दिली. जय शाहने कर्णधार सूर्यकुमार यादवला ट्रॉफी दिली तेव्हा भारतीय खेळाडू मागे सर्व खेळाडू जल्लोष करण्यासाठी उभे होते. सूर्याला ट्रॉफी देताच त्याने ती हवेत उंचावली आणि इतर खेळाडूंसह स्टेडियममध्ये बसलेले सर्वजण आनंदाने नाचू लागले.
जिंकण्याच्या सेलिब्रेशनमध्ये हार्दिक पांड्या आणि इशान किशन यांचा डान्सचा व्हिडीओही समोर आला आहे. विजयानंतर हार्दिक पंड्याने त्याची गर्लफ्रेंड माहिकासोबत डान्स करत सर्वांचं लक्ष वेधून घेतलंय.
यावेळी इशान किशन तिरंगा परिधान करून हार्दिकसोबत नाचताना दिसतोय. त्याच्या शेजारी उभी असलेली माहिका शर्मा देखील खूप आनंदाने त्याला डान्समध्ये साथ देताना दिसतेय. इतकंच नाही तर हार्दिक पंड्याच्या गर्लफ्रेंडने मैदानावर येऊन त्याला किस देखील केलं.
दरम्यान न्यूझीलंडची शेवटची विकेट पडताच भारतीय खेळाडू आणि सपोर्ट स्टाफ डगआउटमधून मैदानावर धावत मैदानावर आले. यावेळी सर्वांनी एकमेकांना मिठी मारून विजयाचा आनंद साजरा केला. या सेलिब्रेशनचा व्हिडीओ सध्या सोशल मिडीयावर व्हायरल झाला आहे. स्टेडियममध्ये फटाक्यांची आतषबाजी होत असताना चाहत्यांनी इंडिया-इंडियाच्या घोषणा दिल्या.
विजयानंतर खेळाडूंनी ट्रॉफी उंचावून फॅन्सचं अभिवादन केलं. कॅप्टन सूर्यकुमार यादव आणि इतर खेळाडूंनी ट्रॉफीसोबत फोटो घेतलं आणि मैदानावरच खास डान्स सेलिब्रेशन केलंय. हार्दिक पंड्यानेही त्याची आयकॉनिक पोस देत सेलिब्रेशन केलंय.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.