आयपीएल २०२४ स्पर्धेत आज होणाऱ्या सामन्यात दिल्ली कॅपिटल्सचा संघ लखनऊ सुपरजायंट्स संघाचा सामना करताना दिसून येणार आहे. हा सामना दिल्लीच्या अरुण जेटली स्टेडियमवर रंगणार आहे. केएल राहुलच्या नेतृत्वाखाली खेळणाऱ्या लखनऊ सुपरजायंट्स संघाला प्लेऑफमध्ये जाण्यासाठी प्रबळ दावेदार मानलं जात आहे. त्यामुळे आज होणारा सामना हा लखनऊसाठी अतिशय महत्वाचा असणार आहे. तर दुसरीकडे दिल्लीचा संघ या स्पर्धेतून बाहेर पडला आहे.
रिषभ पंतच्या नेतृत्वाखाली खेळणाऱ्या दिल्ली कॅपिटल्स संघात एकापेक्षा एक स्टार खेळाडू आहेत. मात्र या संघाला या हंगामात हवी तशी कामगिरी करता आलेली नाही. स्पर्धेतून बाहेर पडलेला दिल्ली कॅपिटल्सचा संघ शेवटच्या सामन्यात आपल्या बाकावर बसलेल्या खेळाडूंना संधी देऊ शकतो. तर दुसरीकडे लखनऊ सुपर जायंट्सचा संघ आपला गेल्या सामन्यातील पराभव विसरुन दमदार कमबॅक करण्याच्या प्रयत्नात असणार आहे.
दिल्ली कॅपिटल्स आणि लखनऊ सुपरजायंट्स यांच्यातील हेट टू हेड रेकॉर्ड पाहिला, तर दोन्ही संघ केवळ ४ वेळेस आमने सामने आले आहेत. यादरम्यान लखनऊ सुपरजायंट्सचा संघ आघाडीवर आहे. लखनऊ सुपर जायंट्स संघाने ३ सामने जिंकले आहेत. तर दिल्ली कॅपिटल्स संघाला केवळ एका सामन्यात विजय मिळवता आला आहे.
हा सामना दिल्ली कॅपिटल्स संघाच्या होम ग्राऊंडवर होणार आहे. त्यामुळे दिल्लीला विजयासाठी प्रबळ दावेदार मानलं जात आहे. तर दुसरीकडे लखनऊचा संघ देखील चांगली कामगिरी करतोय. प्लेऑफच्या दृष्टीने हा सामना लखनऊसाठी अतिशय महत्वाचा असणार आहे. त्यामुळे लखनऊचा संघ विजयासाठी जोर लावताना दिसून येऊ शकतो.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.