DC vs CSK : संजू सॅमसनची वादळी फलंदाजी; चेन्नई सुपर किंग्सचा दिल्लीविरोधात ऐतिहासिक विजय

चेन्नई सुपर किंग्सने दिल्ली कॅपिटल्सविरोधात ऐतिहासिक विजय मिळवला. दिल्ली कॅपिटल्सच्या विरोधात खेळताना संजू सॅमसनची बॅट तळपली. दिल्ली कॅपिटल्सने दिलेल्या १५६ धावांचं आव्हान चेन्नई सुपर किंग्सने सहज पूर्ण केलं. चेन्नईने ८ गडी राखून दिल्ली कॅपिटल्सवर विजय मिळवला.

अरुण जेटली स्टेडियमध्ये झालेल्या सामन्यात दिल्ली कॅपिटल्सने चेन्नई सुपर किंग्सला १५६ धावांचं आव्हान दिलं. दिल्लीने दिलेलं आव्हान सीएसकेने १७.३ षटकात पूर्ण केलं. चेन्नई सुपर किंग्सने यंदाच्या सीझनमध्ये १० पैकी ५ सामन्यात विजय मिळवलाय. तर या सामन्यात संजूने ५२ चेंडूत ८७ धावा कुटल्या. यात ७ चौकार आणि ६ षटकारांचा समावेश आहे.

सॅमसनने कार्तिकच्या साथीने तिसऱ्या विकेटसाठी ११४ धावांची भागीदारी रचली. कर्णधार ऋतुराज आणि उर्विल पटेलनेही जोरदार फलंदाजी केली. ऋतुराजने ६ तर उर्विल पटेलने १७ धावा केल्या. लुंगी एनगिडीने चौथ्या षटकात गायकवाड तर अक्षर पटेलने सातव्या षटकात उर्विलला बाद केलं.

दिल्लीने टॉस जिंकून फलंदाजी करताना सात गडी गमावून १५५ धावा कुटल्या. केएल राहुल (१२), पथुम निसंका (१९), नीतिश राणा(१५), करुण नायर (१३) आणि कर्णधार अक्षर पटेल (२) सारखे फलंदाज स्वस्तात माघारी परतले. दिल्ली कॅपिटल्सने ६९ धावांत पाच गडी गमावले. परंतु ट्रिस्टन स्टब्स (३८), समी रिझवी (नाबाद ४०) या दोघांनी चांगली फलंदाजी करत दिल्लीची धावसंख्या १५५ पर्यंत नेली.

दोघांनी सहाव्या विकेटसाठी ४७ चेंडूत ६५ धावांची भागीदारी रचली. रिझवीने ३४ चेंडूत नाबाद ४ षटकार लगावले. तर स्टब्सने ३१ चेंडू खेळत एक चौकार आणि दोन षटकार लगावले. दिल्लीने शेवटच्या ५ षटकात ५८ धावा कुटल्या. सीएसकेसाठी नूर अहमदने अकील हुसैन, मुकेश चौधरी, गुरजपनीत सिंह आणि जॅमी ओवरटन यांनी एक-एक विकेट घेतला.