IPL 2023 Points Table: KKR विरुध्दच्या पराभवानंतर CSK बाहेर? तर या २ संघांची झाली चांदी; पाहा काय आहे प्लेऑफचं समीकरण

IPL Points Table After CSK vs KKR Match: घरच्याच मैदानावर चेन्नईला ६ गडी राखून पराभवाचा सामना करावा लागला आहे.
ipl points table
ipl points tablesaam tv

CSK VS KKR, IPL Playoffs: आयपीएल २०२३ स्पर्धेत आतापर्यंत एकूण ६१ सामने खेळले गेले आहेत. मात्र एकही संघाने अधिकृतरित्या प्लेऑफमध्ये प्रवेश केला नाहीये. कोलकाताविरुध्द झालेल्या सामन्यात चेन्नईचा पराभव झाल्यानंतर इतर संघांना फायदा झाल्याचे पाहायला मिळाले आहे.

या सामन्यात घरच्याच मैदानावर चेन्नईला ६ गडी राखून पराभवाचा सामना करावा लागला आहे.

ipl points table
WATCH- चेपॉकच्या मैदानावर रंगला धोनीचा फेअरवेल सामना? लवकरच IPL स्पर्धेला करणार राम राम - VIDEO

हा नीतीश राणाच्या नेतृत्वाखाली खेळणाऱ्या कोलकाता नाईट रायडर्स संघाचा या हंगामातील ६ वा विजय ठरला. १२ पॉइंट्ससह कोलकाताचा संघ आता ७ व्या स्थानी आहे. तर चेन्नई सुपर किंग्ज बद्दल बोलायचं झालं तर, पराभूत होऊनही चेन्नईचा संघ दुसऱ्या स्थानी कायम आहे. उर्वरित एक सामना जिंकून चेन्नईचे १७ गुण होतील. त्यामुळे आता टॉप २ मध्ये पोहचण्याची शक्यता कमी झाली आहे.

चेन्नईच्या पराभवाने मुंबई इंडियन आणि कोलकाता नाईट रायडर्स संघाला मोठा फायदा झाला आहे. जर या दोन्ही संघांनी आपले शेवटचे सामने जिंकले तर दोन्ही संघांना टॉप २ मध्ये जाण्याची संधी असणार आहे. असे झाल्यास त्यांना अंतिम फेरीत प्रवेश करण्यासाठी दोनदा संधी मिळेल.

ipl points table
Faf du Plessis Record: डू प्लेसिसचा नावाला साजेसा विक्रम! RR विरुद्ध २१ धावा करताच IPL स्पर्धेतील मोठ्या विक्रमाला घातली गवसणी

तर कोलकाता नाईट रायडर्स संघाच्या विजयाने पंजाब किंग्ज संघाचं नुकसान झालं आहे. कोलकाता नाईट रायडर्स, पंजाब किंग्ज संघासह रॉयल चॅलेंजर्स बंगळुरू आणि राजस्थान रॉयल्स संघाचे देखील प्रत्येकी १२-१२ गुण आहेत. तर सनरायझर्स हैदराबाद आणि दिल्ली कॅपिटल्सचा संघ प्रयेकी ८-८ गुणांसह ९ व्या आणि १० व्या स्थानी आहे. (Latest sports updates)

घरच्या मैदानावर चेन्नईचा पराभव..

घरच्या मैदानावर हा चेन्नई सुपर किंग्ज संघाचा शेवटचा सामना होता. या महत्वाच्या सामन्यात चेन्नई सुपर किंग्ज संघाने नाणेफेक जिंकून प्रथम फलंदाजी करण्याचा निर्णय घेतला होता. प्रथम फलंदाजी करताना चेन्नई सुपर किंग्ज संघाकडून सलामीवीर फलंदाज ऋतुराज गायकवाड आणि डेव्होन कॉनव्हेला हवी तशी कामगिरी करता आली नाही. दोघेही स्वस्तात माघारी परतले. शेवटी शिवम दुबेने अप्रतिम खेळी करत ४८ धावांचे योगदान दिले. या खेळीच्या बळावर चेन्नईला १४४ धावा करता आल्या.

या धावांचा पाठलाग करताना कोलकाता नाईट रायडर्स संघाकडून रिंकू सिंग आणि नीतीश राणाने तुफान फटकेबाजी केली. दोघांनी अर्धशतकी खेळी करत संघाच्या विजयात मोलाचे योगदान दिले. या सामन्यात कोलकाता नाईट रायडर्स संघाने ६ गडी राखून विजय मिळवला.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam Marathi News
saamtv.esakal.com