चॅम्पियन्स ट्रॉफी २०२५ ही अत्यंत महत्वाची मानली जाणारी स्पर्धा पुढील महिन्यात म्हणजेच फेब्रुवारीत १९ तारखेपासून सुरू होत आहे. मात्र, अद्याप भारतीय संघाची घोषणा झालेली नाही. या स्पर्धेसाठी भारतीय संघाची घोषणा उशिरा होण्याची शक्यता आहे.
आयसीसी चॅम्पियन्स ट्रॉफीचं यजमानपद पाकिस्तानकडे आहे. मात्र, ही स्पर्धा हायब्रिड मॉडलनुसार खेळवली जाणार आहे. पाकिस्तानच्या कराची, लाहोर आणि रावलपिंडी या तीन शहरांसह दुबईत या स्पर्धेतील सामने होणार आहेत. पाकिस्तान आणि न्यूझीलंड या दोन संघांत पहिला सामना होईल. तो कराचीमध्ये होणार आहे. तर भारताचा पहिला सामना २० फेब्रुवारीला बांगलादेश विरुद्ध होणार आहे.
भारतीय संघाबाबत मोठी अपडेट समोर आली आहे. क्रिकबजच्या रिपोर्टनुसार, या स्पर्धेसाठी भारतीय संघाच्या घोषणेला विलंब होऊ शकतो. अजित आगरकरच्या नेतृत्वात निवड समिती १२ जानेवारीपर्यंत मुख्य संघाची घोषणा करणार असल्याचे आधी सांगण्यात येत होते. पण आता भारतीय संघाच्या निवडीला आणखी उशिर होण्याची शक्यता आहे. आता भारतीय संघाची घोषणा १८ किंवा १९ जानेवारीला होऊ शकते.
आयसीसीच्या स्पर्धेत सहभागी होणाऱ्या संघांना किमान महिनाभराआधी मुख्य संघ तात्पुरत्या स्वरुपात घोषित करावा लागतो. त्यानंतर त्यात बदलही केला जाऊ शकतो. मात्र, यावेळी आयसीसीने स्पर्धा सुरू होण्याच्या पाच महिन्यांआधीच सर्व संघांना खेळाडूंची यादी पाठवण्यास सांगितले होते. १२ जानेवारीपर्यंत संघांतील खेळाडूंची नावं पाठवायची होती. मात्र, भारतीय संघ जाहीर करण्यास विलंब होऊ शकतो.
बीसीसीआय नुकत्याच झालेल्या ऑस्ट्रेलिया दौऱ्याचा हवाला देत ही मुदत वाढवून देण्याची मागणी करू शकते. चॅम्पियन्स ट्रॉफीसह इंग्लंडविरुद्धच्या तीन सामन्यांच्या वनडे मालिकेसाठीही भारतीय संघाच्या निवडीला उशिर होऊ शकतो.
चॅम्पियन्स ट्रॉफीमध्ये भारतीय संघात जे खेळाडू असतील, त्यातील बरेच खेळाडू इंग्लंडविरुद्धच्या वनडे मालिकेसाठीही खेळू शकतात. दुसरीकडे इंग्लंडविरुद्धच्या पाच सामन्यांच्या टी २० मालिकेसाठी येत्या एक दोन दिवसांत संघाची घोषणा होऊ शकते. बांगलादेश आणि दक्षिण आफ्रिकेविरुद्ध ज्यांना संधी मिळाली होती, त्याच खेळाडूंना यावेळीही संधी मिळू शकते. टी २० संघात जसप्रीत बुमराह, मोहम्मद सिराज यांना खेळवण्याची शक्यता खूप कमी आहे, असे बोलले जात आहे.
रोहित शर्मा, शुभमन गिल, यशस्वी जयस्वाल, विराट कोहली, श्रेयस अय्यर, केएल राहुल, रिषभ पंत, हार्दिक पंड्या, रविंद्र जडेजा, अक्षर पटेल किंवा वॉशिंग्टन सुंदर, कुलदीप यादव किंवा रवी बिश्नोई, जसप्रीत बुमराह, मोहम्मद सिराज, मोहम्मद शामी, अर्शदीप सिंग
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.