Team India Playing XI: चॅम्पियन्स ट्रॉफीसाठी भारताची प्लेइंग ११ ठरली? या खेळाडूंना मिळू शकते संधी

आयसीसी चॅम्पियन्स ट्रॉफी २०२५ स्पर्धेचा काऊंटडाऊन सुरु झाला आहे. येत्या १९ फेब्रुवारीपासून या स्पर्धेला सुरुवात होणार आहे. स्पर्धेतील सामने पाकिस्तानात खेळवले जाणार आहेत.

भारतीय संघ आपला पहिला सामना २० फेब्रुवारीला बांगलादेशविरुद्ध खेळणार आहे. त्यानंतर २३ फेब्रुवारीला भारत आणि पाकिस्तान सामना रंगणार आहे. ही स्पर्धा वनडे फॉरमॅटमध्ये खेळवली जाणार आहे. त्यामुळे या स्पर्धेसाठी भारतीय संघाची प्लेइंग ११ निवडणं मुळीच सोपं नसणार आहे. दरम्यान कोणत्या खेळाडूंना या संघात संधी मिळू शकते? जाणून घ्या.

सलामीला कोणाला मिळणार संधी?

या स्पर्धेत कर्णधार रोहित शर्मा सलामीला फलंदाजी करताना दिसून येईल. त्याला साथ देण्यासाठी शुभमन गिल सलामीला येईल. यासह यशस्वी जयस्वालला बॅकअप म्हणून संधी दिली जाऊ शकते.

भारताचा स्टार फलंदाज विराट कोहली या स्पर्धेत तिसऱ्या क्रमांकावर फलंदाजी करताना दिसून येईल. या क्रमांकावर खेळताना विराटने धावांचा पाऊस पाडला आहे. तर श्रेयस अय्यरला चौथ्या क्रमांकावर खेळण्याची संधी दिली जाऊ शकते. श्रेयस अय्यरला संघात संधी मिळणार की नाही, हे अजूनही स्पष्ट झालेलं नाही.

या स्पर्धेत यष्टीरक्षक फलंदाज म्हणून केएल राहुलला संधी दिली जाऊ शकते. त्यामुळे रिषभ पंतला संघाबाहेर बसावं लागेल. यासह अष्टपैलू खेळाडू हार्दिक पंड्याला देखील प्लेइंग ११ मध्ये स्थान दिले जाऊ शकते.

या गोलंदाजांना मिळू शकते संधी

आयसीसी चॅम्पियन्स ट्रॉफीसाठी अक्षर पटेल आणि रविंद्र जडेजा या फिरकी गोलंदाजांना प्लेइंग ११ मध्ये संधी दिली जाऊ शकते. यासह वेगवान गोलंदाज म्हणून मोहम्मद सिराज, जसप्रीत बुमराह यांना संधी मिळू शकते.

या स्पर्धेसाठी अशी असू शकते भारतीय संघाची प्लेइंग ११:

रोहित शर्मा (कर्णधार), शुभमन गिल, विराट कोहली, श्रेयस अय्यर, केएल राहुल (यष्टीरक्षक), हार्दिक पंड्या, रविंद्र जडेजा, अक्षर पटेल, मोहम्मद शमी, अर्शदीप सिंग आणि जसप्रीत बुमराह.