Neymar : ब्राझीलचा स्टार नेमार खेळणार मुंबईत; कधी अन् कुठे रंगणार सामना? जाणून घ्या

Neymar News In Marathi:

ब्राझीलचा स्टार नेमार हा जगप्रसिद्ध खेळाडू आहे. भारतातही त्याचे लाखो फॅन्स आहेत. त्याला खेळताना पाहणं हे अनेकांच्या बकेटलिस्टमध्ये असेल. आता हे स्वप्नं लवकरच सत्यात उतरणार आहे. यासाठी तुम्हाला लाखो रुपये खर्च करून परदेशात जाण्याची आणि तिकीट खरेदी करण्याची गरज नाही. कारण हा जगप्रसिद्ध भारतात खेळण्यासाठी येणार आहे. (Neymar JR)

नेमार लवकरच फुटबॉल सामना खेळण्यासाठी नवी मुंबईत दाखल होणार आहे. नवी मुंबईतील डी.वाय.पाटील स्टेडियमवर AFC Champions League स्पर्धेचा सामना रंगणार आहे. या सामन्यात मुंबई सीटी एफसी आणि अल हिलाल या दोन्ही संघांमध्ये सामना रंगणार आहे.

हा सामना ६ नोव्हेंबर रोजी संध्याकाळी ७:३० वाजता सुरू होणार आहे. या सामन्यासाठीच्या तिकीटांच्या विक्रीची सुरुवात २९ सप्टेंबर पासून होणार आहे. सकाळी ११ वाजता तिकीटांची प्री बुकिंग सुरु होणार आहे.

यापूर्वी हा सामना पुण्यातील शिव छत्रपती स्पोर्ट्स कॉम्प्लेक्स बालेवाडी स्टेडियमवर होणार असल्याचं म्हटलं जात होतं. मात्र आता हा सामना नवी मुंबईतील डी.वाय.पाटील स्टेडियमवर होणार आहे. (Latest sports updates)

अल हिलालसोबत केलाय करार..

पॅरीस सेंट जर्मन संघाला पाठ दाखवत नेमारने सौदीतील प्रसिद्ध क्लब अल हिलाल संघात प्रवेश केला आहे. अल हिलालने नेमारसोबत २ वर्षांचा करार केला आहे. त्याला २ वर्षांसाठी कोटीहुंन अधिकची रक्कम मिळणार आहे.