![Neeraj Chopra Injury: भारताला मोठा धक्का! पॅरिस ऑलिम्पिकपूर्वी गोल्डन बॉय नीरज चोप्रा दुखापतग्रस्त](http://media.assettype.com/saamtv%2F2024-05%2Fe4c85852-ee87-4c5d-9a4b-a1afaef9dac9%2FWebsite_Banner___2024_05_26T152504_146.jpg?w=480&auto=format%2Ccompress&fit=max)
भारतीय खेळाडूंचं संपूर्ण लक्ष आता पॅरीस ऑलिम्पिक स्पर्धेवर असणार आहे. भारताचा भालाफेकपटू नीरज चोप्राकडून सुवर्ण पदकाची अपेक्षा असणार आहे. या स्पर्धेपूर्वी भारताला मोठा धक्का बसण्याची शक्यता आहे. कारण ऑलिम्पिक स्पर्धेला २ महिन्यांचा कालावधी शिल्लक असताना नीरज चोप्रा दुखापतग्रस्त झाला आहे. त्यामुळेच त्याने ६३ व्या ओस्ट्रावा गोल्डन स्पाईक २०२४ ॲथलेटिक्स मीटमध्ये सहभाग घेतला नाहीये.
नीरज चोप्रा हा ६३ व्या ओस्ट्रावा गोल्डन स्पाईक २०२४ ॲथलेटिक्स मीटमध्ये सहभाग घेणार नाहीये, ही माहिती आयोजकांनी दिली आहे. तो दुखापतीमुळे या स्पर्धेत भाग घेऊ शकणार नाहीये. मात्र तो पाहुणा म्हणून उपस्थित राहणार असल्याची माहिती आयोजकांनी दिली आहे.
काह दिवसांपूर्वीच ओडिशा येथे फेडरेशन कप स्पर्धेचे आयोजन केले गेले होते. या स्पर्धेत नीरज चोप्राने सहभाग घेतला होता. या स्पर्धेत नीरज चोप्राने ८२.२७ मीटर लांब भाला फेकून सुवर्णपदकावर नाव कोरलं होतं. दरम्यान तो या स्पर्धेत दुखापतग्रस्त झाला असावा असा अंदाज व्यक्त केला जात आहे.
यापूर्वी टोकियो ऑलिम्पिक स्पर्धेत नीरज चोप्राने भारताला ऐतिहासीक पदक मिळवून दिलं होतं. त्यामुळे त्याच्याकडून विजयाच्या आशा वाढल्या आहेत. नीरज चोप्रा स्पर्धेतून बाहेर पडल्यानंतर त्याच्याऐवजी युरोपियन चॅम्पियन ज्युलियन वेबरचा या स्पर्धेत समावेश केला जाणार असल्याचे म्हटले जात आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.