टीम इंडिया करणार पाकिस्तानचा दौरा, 15 वर्षानंतर असं का घडणार? जाणून घ्या सविस्तर माहिती

भारत सरकार पाकिस्तानसोबत असलेल्या तणावपूर्ण राजकीय संबंधांबाबत अंतिम निर्णय घेणार आहे.
India vs pakistan match
India vs pakistan matchsaam tv

नवी दिल्ली : भारतीय क्रिकेट नियामक मंडळाने पुढील वर्षी पाकिस्तानमध्ये होणाऱ्या आशिया कपमध्ये सहभागी होण्याची इच्छा व्यक्त केली आहे. पाकिस्तानमध्ये 2023 मध्ये आशिया कपची रणधुमाळी होणार आहे. या टूर्नामेंटमध्ये एकदिवसीय सामन्यांच्या लढती होणार आहेत. बीसीसीआयने (BCCI) त्यांचे विकल्प खुले ठेवले आहेत, अशी माहिती फ्यूचर टूर्स प्रोग्रामने दिली आहे. भारत सरकार पाकिस्तानसोबत असलेल्या तणावपूर्ण राजकीय संबंधांबाबत अंतिम निर्णय घेणार आहे. सरकारच्या निर्णयानंतरच बीसीसीआय पुढील वाटचाल करणार आहे. (Team india pakistan tour possibilities after fifteen years)

India vs pakistan match
VIDEO VIRAL: बॉलरनं बुलेटच्या वेगानं फेकला चेंडू; फलंदाजाच्या बॅटचे तुकडे-तुकडे

क्रिकबजने दिलेल्या रिपोर्टनुसार, 18 ऑक्टोबरला बीसीसीआयची वार्षिक बैठक होणार आहे.तत्पूर्वी याबाबत राज्य संघांना एक परिपत्र पाठवलं आहे. यामध्ये पाकिस्तानमध्ये सहभागी होणाऱ्या पुरूष आणि महिला क्रिकेट संघाला आशिया कपबाबत (Asia Cup) सूचना देण्यात आल्या आहेत. पुढील वर्षी तीन वर्ल्डकप टूर्नामेंट आहेत. यामध्ये महिला टी-20 वर्ल्डकप, महिला अंडर-19 वर्ल्डकप आणि आयसीसी पुरुष क्रिकेट वर्डकपचा समावेश आहे.

भारत आशिया कप व्यतिरिक्त या सर्व टूर्नामेंटमध्ये सहभागी होणार आहे. 2008 मध्ये मुंबईत झालेल्या दहशतवादी हल्ल्यानंतर भारतीय संघाने पाकिस्तानचा दौरा केला नाही. क्रिकबजने बीसीसीआयच्या एका अधिकाऱ्याच्या हवाल्यानं म्हटलं,नेहमीप्रमाणेच भारत सरकारच्या परवानगीनंतर हे सर्व होणार आहे.

India vs pakistan match
T20 वर्ल्डकपआधी टीम इंडियाला पाकिस्तानकडून वॉर्निंग, नेमकं काय आहे प्रकरण?

आगामी काळात भारत आणि पाकिस्तानचा संघ 2023-2027 पर्यंत एकमेकांसोबत द्विपक्षीय मालिका खेळणार नाही. बीसीसीआयने सर्व राज्य संघांना माहिती दिली आहे. पाकिस्तानसोबत कोणत्याही द्विपक्षीय मालिकेबाबात फक्त भारत सरकारच्या परवानगीनंतरच निर्णय घेतला जाईल. भारतीय पुरुष क्रिकेट संघ 2023-2027दरम्यान 38 टेस्ट मॅच खेळणार आहे.

ज्यामध्ये 20 घरेलू मैदानावर आणि 18 सामने विदेशी मैदानावर होणार आहेत. भारत 21 घेरलू मैदानावर आणि तेवढेच एकदिवसीय सामने विदेशात खेळणार आहेत.भारताला याचदरम्यान 31 टी-20 घरेलू मैदानावर तर 30 बाहेर खेळायच्या आहेत.म्हणजेच एकूण 61 टी-20 सामने होणार आहेत.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com