भारत- ऑस्ट्रेलिया यांच्यातील बॉर्डर- गावसकर ट्रॉफी सुरु व्हायला अवघे काही दिवस शिल्लक राहिले आहेत. या मालिकेतील पहिला कसोटी सामना २२ नोव्हेंबर रोजी खेळला जाणार आहे. ही मालिका सुरु होण्यापूर्वी भारतीय अ संघ ऑस्ट्रेलिया दौऱ्यावर जाणार आहे.
या दौऱ्यासाठी बीसीसीआयने भारतीय अ संघाची घोषणा केली आहे. या संघाची जबाबदारी ऋतुराज गायकवाडकडे सोपवण्यात आली आहे. यादरम्यान भारत अ आणि ऑस्ट्रेलिया अ या दोन्ही संघांमध्ये २ सामने खेळले जाणार आहेत. तर भारतीय संघाविरुद्ध इंट्रास्कॉड सामना होणार आहे.
भारतीय संघातील यष्टीरक्षक फलंदाज इशान किशन गेल्या काही महिन्यांपासून भारतीय संघात कमबॅक करण्याच्या प्रतिक्षेत आहे. मात्र त्याला संधी दिली जात नव्हती. आता ऑस्ट्रेलिया दौऱ्यासाठी भारतीय अ संघात त्याला स्थान देण्यात आलं आहे.
मात्र त्याला अद्यापही भारतीय संघात स्थान मिळालेलं नाही. त्याने देशांतर्गत क्रिकेटमध्ये चांगली कामगिरी केली आहे. ही कामगिरी पाहता, त्याला भारतीय अ संघात संधी दिली गेली आहे. या दौऱ्यावर चांगली कामगिरी केली, तर त्याचे भारतीय संघात येण्याचे दार उघडू शकतात.
भारतीय अ संघात एकापेक्षा एक स्टार खेळाडूंना स्थान देण्यात आलं आहे. ज्यात अभिमन्यू ईश्वरन, मुकेश कुमार, ऋतुराज गायकवाड आणि नवदीप सैनी यांचा समावेश आहे. या खेळाडूंसाठीही ही एक सुवर्णसंधी असणार आहे. या दौऱ्यावर चांगली कामगिरी करणाऱ्या खेळाडूंना ऑस्ट्रेलियाविरुद्ध होणाऱ्या मालिकेसाठी भारतीय संघात संधी दिली जाऊ शकते.
ऋतुराज गायकवाड़ (कर्णधार), अभिमन्यु ईश्वरन (उप-कर्णधार), साई सुदर्शन, नितीश कुमार रेड्डी, देवदत्त पडिक्कल, रिकी भुई, बाबा इंद्रजीत, ईशान किशन (यष्टीरक्षक), अभिषेक पॉरेल (यष्टीरक्षक), मुकेश कुमार, खलील अहमद, यश दयाल, नवदीप सैनी, मानव सुथार, तनुष कोटियान
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.