आशियाई क्रीडा स्पर्धेत भारतीय खेळाडू जोरदार कामगिरी करताना दिसून येत आहेत . या स्पर्धेतील सातव्या दिवशी भारतीय खेळाडूंनी भारताला सुवर्णपदक मिळवून दिलं आहे.
भारताकडून रोहन बोपन्ना आणि मराठमोळ्या ऋतुजा भोसले या जोडीने मिक्स डबल्स टेनिसमध्ये सुवर्णपदक पटकावलं आहे. या विजयासह भारतीय २००२ पासून विजयाची साखळी सुरु ठेवली आहे.
या दोघांनी अंतिम फेरीत चीनी ताईपेच्या सुंग हाओ आणि एन शुओच्या जोडीवर २-६,६-३ (१०-४) ने विजय मिळवला. यापूर्वी रामकुमार रामनाथन आणि साकेत माइसेनी यांनी भारताला रौप्यपदक जिंकून दिलं होतं.( Latest sports updates)
रोहन बोपन्ना आणि ऋतुजाने या सामन्यात संथ सुरुवात केली होती. त्यामुळे या जोडीला पहिला सेट २-६ ने गमवावा लागला. पहिला सेट गमावल्यानंतर दुसऱ्या सेटमध्ये या जोडीने दमदार कमबॅक केलं.
दुसऱ्या सेटमध्ये चीनी ताईपेच्या खेळाडूंवर हल्लाबोल करत या जोडीने ६-३ ने विजय मिळवला. दुसऱ्या सेटमध्ये सुपर टाय-ब्रेक झाला. त्यानंतर रोहन बोपन्ना आणि ऋतुजाच्या जोडीने १०-४ ने बाजी मारत विजय मिळवला. हे या स्पर्धेतील भारताच ९ वे सुवर्णपदक ठरले आहे.
आशियाई क्रीडा स्पर्धेत हे रोहन बोपन्नाचे दुसरे सुवर्णपदक ठरले आहे. त्याने २०१८ मध्ये झालेल्या स्पर्धेत दिविज शरणसोबत मेन्स डबल्समध्ये सुवर्णपदकाला गवसणी घातली होती. यावेळी ऋतुजा भोसलेची साथ मिळाली. दोघांनी या सामन्यात दमदार खेळ केला.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
