Asian Games 2023: शेतकऱ्याच्या पोरानं मैदान मारलं! मराठमोळ्या अविनाश साबळेला ३००० मीटर स्टीपलचेजमध्ये सुवर्णपदक

Asian Games 2023, Avinash Sable Won Gold In Steeplechase:

चीनमध्ये सुरू असलेल्या आशियाई क्रीडा स्पर्धेत भारतीय खेळाडू दमदार कामगिरी करत आहेत. अशातच महाराष्ट्राचा सुपुत्र अविनाश साबळेने ३००० मीटर स्टीपलचेज स्पर्धेत सुवर्णपदकाला गवसणी घातली आहे. यासह आशियाई क्रीडा स्पर्धेतील स्टीपलचेज इव्हेंटमध्ये सुवर्णपदक जिंकणारा तो पहिलाच भारतीय धावपटू ठरला आहे.

आशियाई क्रीडा २०२३ स्पर्धेतील ॲथलेटीक्स इव्हेंटमध्ये सुवर्णपदक जिंकणारा तो पहिलाच खेळाडू ठरला आहे.

आशियाई क्रीडा २०२३ स्पर्धेतील हे १२ वे सुवर्णपदक ठरले आहे. ट्रॅक अँड फिल्ड इव्हेंटमध्ये हे भारताचे पहिलाच सुवर्णपदक ठरले आहे. या शर्यतीत अविनाश साबळेने इतर धावपटूंपासून ५० मीटर अंतर बनवून ठेवलं होतं. विनिंग लाईन क्रॉस केल्यानंतर अविनाश साबळे जल्लोष साजरा करताना दिसून आला. (Latest sports updates)

कॉमनवेल्थ स्पर्धेत पटकावलं रौप्यपदक..

कॉमनवेल्थ २०२२ स्पर्धेत अविनाश साबळेने ३००० मीटर स्टीपलचेज स्पर्धेत रौप्यपदक पटकावलं होतं. त्याने राष्ट्रीय विक्रम मोडत ८:१२:४८ सेकंदात शर्यत पूर्ण करत पदक पटकावलं होतं.