भारत विरूद्ध बांगलादेश यांच्यामध्ये चेपॉकमध्ये पहिला टेस्ट सामना खेळवण्यात येतोय. या सामन्यामध्ये टीम इंडियाने ५०७ रन्सची आघाडी घेतली आहे. आज सामन्याचा तिसरा दिवस असून या सामन्याला निकाल लागणार हे आता निश्चित झालंय. दरम्यान अशातच टीम इंडियाचा कर्णधार रोहित शर्माचा एक व्हिडीओ सोशल मीडियावर मोठ्या प्रमाणात वायरल होतोय. यामध्ये रोहित शर्मा टीममधील खेळाडूंवर चांगलाच संतापलेला दिसतोय.
रोहित शर्माचा एक व्हिडीओ सध्या सोशल मीडियावर व्हायरल होतोय. यामध्ये रोहित शर्मा ओरडून, झोपलेत का सगळे असं इतर खेळाडूंना म्हणतोय. यावेळी रोहित शर्मा संतापला असून पुन्हा एकदा खेळाडूंना ओरडतोय. बांगलादेशाच्या फलंदाजीच्या पहिल्या डावाचा हा व्हिडीओ आहे.
बांगलादेशाविरूद्धच्या टेस्ट सामन्यामध्ये रोहित शर्माकडून मोठ्या खेळीची अपेक्षा होती. मात्र रोहित शर्माला पहिल्या सामन्यात चांगला खेळ करता आला नाही. यावेळी रोहित शर्माने पहिल्या डावात ६ रन्स तर दुसऱ्या डावामध्ये ५ रन्सची खेळी केली. केवळ रोहित शर्मा नाही तर विराट कोहलीला देखील यावेळी साजेसा खेळ करता आला नाही.
सोशल मीडियावर ड्रेसिंग रूममधील एक व्हिडीओ व्हायरल होत असून यामध्ये रोहित शर्मा, गौतम गंभीर आणि शुभमन गिल दिसून येतायत. यावेळी कोच गंभीरच्या मागे रोहित, विराट आणि गिलची मस्ती चालू आहे. यानंतर ते दोघंही खळखळून हसतायत. इतकंच नाही तर गंभीरही नंतर सामील झाल्याचं पाहायला मिळालं.
दरम्यान चाहत्यांच्या म्हणण्यानुसार, ड्रेसिंग रूममध्ये झालेला जोक नक्कीच मोठा असणार, याचं कारण म्हणजे गंभीर अगदी खळखळून हसला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.