AFG vs SL: पुण्यात श्रीलंकेला अफगाणी हिसका! स्पर्धेतील आव्हान टिकवून ठेवण्यासाठी २४२ धावांचं आव्हान

Afghanistan vs Srilanka:

वर्ल्डकप २०२३ स्पर्धेतील ३० वा सामना अफगाणिस्तान आणि श्रीलंका या दोन्ही संघांमध्ये सुरु आहे. या सामन्यात अफगाणिस्तान आणि श्रीलंका हे दोन्ही संघ आमने सामने आले आहेत. पुण्यातील महाराष्ट्र क्रिकेट असोसिएशनच्या मैदानावर सुरु असलेल्या या सामन्यात अफगाणिस्तानने नाणेफेक जिंकून प्रथम गोलंदाजी करण्याचा निर्णय घेतला. तर प्रथम फलंदाजी करताना श्रीलंकेने २४१ धावा केल्या आहेत .

श्रीलंकेकडून प्रथम फलंदाजी करण्यासाठी पथुम निसंका आणि दिमुथ करूणारत्ने यांची जोडी मैदानावर आली होती. श्रीलंकेला २२ धावसंख्येवर पहिला धक्का बसला. करूणारत्ने अवघ्या १५ धावा करत माघारी परतला. तर कर्णधार कुसल मेंडिस ३९ आणि सदीरा समरविक्रमा अवघ्या ३६ धावा करत माघारी परतला. श्रीलंकेकडून कुठल्याही फलंदाजाला अर्धशतक झळकावता आलं नाही. ४९.३ षटकअखेर श्रीलंकेला २४१ धावा करता आल्या आहेत. (Latest sports updates)

अफगाणिस्तानकडून गोलंदाजी करताना फारूकीने सर्वाधिक ४ गडी बाद केले. तर त्याने १० षटकात ३४ धावा खर्च करत ४ गडी बाद केले. तर मुजीब उर रहमानने ३८ धावा खर्च करत २ गडी बाद केले.