Narak Chaturdashi 2022 : यंदा नरक चतुर्दशी कधी आहे ? जाणून घ्या; कथा, शुभ मुहूर्त व पूजा विधी

Narak Chaturdashi 2022 : दिवाळी ही अवघ्या काही दिवसांवर आली आहे. हा सण अवघ्या काही पाच दिवसांचा असतो. धनत्रयोदशीच्या दिवशी हा सण सुरू होतो आणि दुसऱ्या दिवशी नरक चतुर्दशी येते.

नरक चतुर्दशीला हिंदू धर्मात विशेष महत्त्व आहे आणि तिला छोटी दिवाळी असेही म्हणतात.दिवाळीच्या (Diwali) एक दिवस आधी कार्तिक महिन्याच्या कृष्ण पक्षातील चतुर्दशी तिथीला नरक चतुर्दशी म्हणतात. या दिवशी लोक आपल्या घरात काही ठिकाणी दिवे लावतात. असे मानले जाते की, या दिवशी मुख्य दरवाजाजवळ दिवा लावावा जेणेकरून घरात सुख-समृद्धी टिकून राहते. (Latest Marathi News)

नरक चतुर्दशीला छोटी दिवाळी, काली चौदस, नरक चौदस, रूप चौदस असेही म्हणतात. या दिवशी प्रामुख्याने यमदेवाची पूजा करून त्यांच्या नावाने दिवा दान करण्याचा नियम आहे. जाणून घेऊया, नरक चतुर्दशीची तिथी, शुभ मुहूर्त व कथा (Narak Chaturdashi 2022)

नरक चतुर्दशी तिथी आणि शुभ मुहूर्त (Narak Chaturdashi Puja Shubh Muhurat)

• कार्तिक कृष्ण पक्ष चतुर्दशी तारीख - 23 ऑक्टोबर 2022, संध्याकाळी 6.03 पासून

• कार्तिक चतुर्दशी तारीख समाप्ती - 24 ऑक्टोबर, संध्याकाळी 5:27 वाजता

• या योगामध्ये 23 ऑक्टोबर 2022 रोजी रात्री 11:42 ते 24 ऑक्टोबर 2022 पर्यंत रविवारी सकाळी 12:33 पर्यंत कालीचौदस राहील आणि या मुहूर्तावर काली मातेची पूजा केली जाईल.

• नरक चतुर्दशी सोमवार - 24 ऑक्टोबर 2022 रोजी उदय तिथीनुसार साजरी केली जाईल.

नरक चतुर्दशीचे महत्त्व

नरक चतुर्दशीला हिंदू (Hindu) धर्मात विशेष महत्त्व आहे. असे मानले जाते की या दिवशी भगवान यमाची विशेष पूजा केली जाते आणि त्यांना प्रसन्न करण्यासाठी दिवे दान केले जातात. या दिवशी घराबाहेर असलेल्या नाल्याजवळ दिवा लावला जातो आणि घरातील नकारात्मक ऊर्जा दूर करण्यासाठी प्रार्थना केली जाते. या दिवशी मोहरीच्या तेलाचा दिवा लावून मुख्य दरवाजावर ठेवल्यास देवी लक्ष्मीचे आगमन होते आणि तिची कृपा वर्षभर राहते.

नरक चतुर्दशी पूजा विधी (Narak Chaturdashi Puja Vidhi)

• नरक चतुर्दशीच्या दिवशी सकाळी लवकर उठून स्नान करून स्वच्छ वस्त्र परिधान करावे.

• यानंतर घरातील पूजेची जागा पूर्णपणे स्वच्छ करून सर्व देवतांना स्नान घालावे.

• प्रदोष काळात घराच्या मंदिरात दिवा लावा आणि घराच्या मुख्य प्रवेशद्वारात किंवा अंगणात दिवा लावा.

• यमदेवाच्या नावाने दिवा लावून मुख्य दरवाजाबाहेर लावा.

• या दिवशी काही लोक उपवास करतात आणि माता लक्ष्मीसह भगवान विष्णूची पूजा करतात.

नरक चतुर्दशीची कथा (Narak Chaturdashi Katha)

एका आख्यायिकेनुसार, प्राचीन काळी नरकासुर नावाच्या राक्षसाने सर्व देवांना त्रास देण्यास सुरुवात केली. त्याच्यामध्ये असंख्य अलौकिक शक्ती होत्या, त्यामुळे त्याच्याशी युद्ध करणे कोणाच्याही ताब्यात नव्हते.

जेव्हा नरकासुराचा यातना मोठ्या प्रमाणात वाढला तेव्हा सर्व देवतांनी भगवान श्रीकृष्णाच्या जवळ जाऊन त्याच्या बचावासाठी प्रार्थना केली. सर्व देवतांची स्थिती पाहून श्रीकृष्ण त्यांना मदत करण्यास तयार झाले.

नरकासुराला शाप होता की तो एका स्त्रीच्या हातून मरेल. तेव्हा अत्यंत चतुराईने भगवान श्रीकृष्णाने आपल्या पत्नीच्या मदतीने कार्तिक महिन्यातील कृष्ण पक्षाच्या 14 व्या दिवशी नरकासुराचा वध केला. नरकासुराच्या मृत्यूनंतर 16,000 ओलिसांची सुटका करण्यात आली. तेव्हापासून या 16 हजार ओलिसांना पटराणी म्हणून ओळखले जाऊ लागले. नरकासुराच्या मृत्यूनंतर, कार्तिक महिन्याच्या अमावस्येच्या एक दिवस आधी लोक नरक चतुर्दशी साजरी करू लागले.

अशाप्रकारे नरक चतुर्दशीला केलेली पूजा विशेष फलदायी असते आणि नियमानुसार पूजा केल्याने घरात सुख-समृद्धी येते

दिवाळी ही अवघ्या काही दिवसांवर आली आहे. हा सण अवघ्या काही पाच दिवसांचा असतो. धनत्रयोदशीच्या दिवशी हा सण सुरू होतो आणि दुसऱ्या दिवशी नरक चतुर्दशी येते.

डिस्क्लेमर: सदर लेख फक्त सामान्य माहितीसाठी आहे. याचा आमच्याशी कोणताही संबंध नाही.