Railway Recruitment: १०वी, १२वी पास तरुणांसाठी रेल्वेमध्ये नोकरीची सुवर्णसंधी; विविध पदांसाठी सुरु आहे भरती; पात्रता आणि अर्जप्रक्रिया जाणून घ्या

रेल्वेमध्ये नोकरी करण्याची इच्छा असणाऱ्या तरुणांसाठी आनंदाची बातमी आहे. रेल्वे भरती सेल अंतर्गत मुंबई, भुसावळ, पुणे, सोलापूर, नागपूरमध्ये येथे नोकरीची सुवर्णसंधी आहे. लेव्हल-१ आणि लेव्हल २ पदासाठी ही भरती करण्यात येणार आहे. या नोकरीसाठी इच्छुक उमेदवारांनी लवकरात लवकर अर्ज करावेत.

रेल्वे भरती सेलमध्ये अर्ज करण्याची सुरुवात २७ जुलै २०२४पासून झाली आहे. या नोकरीसाठी अर्ज करण्याची शेवटची तारीख २८ ऑगस्ट २०२४ असणार आहे. या नोकरीसाठी शैक्षणिक पात्रता, वयोमर्यादा याबाबत सर्व माहिती अधिकृत वेबसाइटवर देण्यात आली आहे.

रेल्वेमध्ये १२ पदांसाठी भरती करण्यात येणार आहे. स्काउट्स आणि गाइड्स लेव्हल १ आणि लेव्हल २ पदांसाठी भरती केली जाणार आहे. लेव्हल १ पदासाठी उमेदवाराने १० वी पास असणे आवश्यक आहे तसेच ITI (NAC Approved NCVT) उत्तीर्ण झालेले असावे. लेव्हल २ पदासाठी मान्यताप्राप्त बोर्डातून १२ वी पास असणे आवश्यक आहे.

रेल्वेमधील या नोकरीसाठी तुम्ही ऑनलाइन पद्धतीने अर्ज करु शकतात. १८ ते ३३ वयोगटातील उमेदवार या नोकरीसाठी अर्ज करु शकतात. या नोकरीसाठी अर्ज फी ५०० रुपये असणार आहे.