Railway Recruitment: ७९५१ पदांसाठी रेल्वेत मोठी भरती; मिळणार भरघोस पगार; अर्ज कसा करायचा? जाणून घ्या

सरकारी नोकरी करण्याची अनेकांची इच्छा असते. जर तुम्हालाही सरकारी नोकरी करायची असेल तर ही माहिती खास तुमच्यासाठी आहे. रेल्वेमध्ये विविध पदांसाठी भरती सुरु आहे. रेल्वे भरती बोर्डाने याबाबत जाहिरात प्रसिद्ध केली आहे.

रेल्वेमधील या भरतीसाठी अर्ज करण्याची शेवटची तारीख २९ ऑगस्ट २०२४ म्हणजे उद्या आहे. ७९५१ पदांसाठी ही भरती केली जाणार आहे. केमिकल सुपरवायजर,रिसर्च आणि मेटालर्जिकल सुपरवायजर या पदासाठी ही भरती केली जाणार आहे. तसेच ज्युनिअर इंजिनिअर, डेपो मटेरियल अधिक्षक या पदासाठीही रिक्त जागा आहे.

या नोकरीसाठी अर्ज करणाऱ्या उमेदवाराने मान्यताप्राप्त संस्थेतून किंवा विद्यापीठातून इंजिनियरिंग डिप्लोमा किंवा पदवी प्राप्त केलेली असावी. सायन्स शाखेतून बॅचरल डिग्री प्राप्त केलेले उमेदवारदेखील या नोकरीसाठी अर्ज करु शकतात.या नोकरीसाठी तुम्हाला ऑनलाइन पद्धतीने अर्ज करायचा आहे.

१८ ते ३६ वयोगटातील उमेदवार या नोकरीसाठी अर्ज करु शकतात. या नोकरीसाठी तुम्हाला ५०० रुपये अर्जशुल्क भरावे लागणार आहे. नोकरीसाठी उमेदवारांना ३५,४०० ते ४४,९०० रुपये मासिक वेतन मिळणार आहे. https://www.rrbmumbai.gov.in/ या वेबसाइटवर जाऊन तुम्हाला अर्ज करावा लागेल.