Railway Bharti 2024: रेल्वेमध्ये १० वी पास तरुणांसाठी नोकरीची सुवर्णसंधी;परीक्षा न देता मिळणार नोकरी; अर्ज कसा करायचा? जाणून घ्या

रेल्वेमध्ये नोकरी करण्याचे स्वप्न असणाऱ्या तरुणांसाठी नोकरीची सुवर्णसंधी आहे. रेल्वेमध्ये १० वी पास आणि आयटीआय उत्तीर्ण उमेदवारांसाठी नोकरीची सुवर्णसंधी आहे. रेल्वेमध्ये २४०० हून अधिक शिकाऊ पदांसाठी भरती सुरु आहे. या नोकरीबाबत अधिसूचना रेल्वे भरती विभागाने अधिकृत वेबसाइटवर जाहीर केली आहे. या नोकरीसाठी इच्छुक उमेदवारांनी rrccr.com या वेबसाइटला भेट देऊन ऑनलाइन पद्धतीने अर्ज करावा.

रेल्वे प्रशिक्षणार्थी भरती २०२४ साठी ऑनलाइन पद्धतीने अर्ज सुरु झाले आहे. या नोकरीसाठी अर्ज करण्याची शेवटची तारीख १५ ऑगस्ट संध्याकाळी ५ वाजेपर्यंत असेल. अर्ज केल्यानंतर तुमची कागदपत्रे पडताळणी केली जाईल. त्यानंतर निकाल सांगितला जाईल.

या नोकरीसाठी अर्ज करणाऱ्या उमेदवाराने १० वी पास असणे गरजेचे आहे. याशिवाय नॅशनल काउन्सिल व्होकेशनल ट्रेनिंग किंवा स्टेट काउन्सिल व्होकेशनल ट्रेनिंगद्वारे जारी केलेल्या संबंधित ट्रेडमध्ये आयटीआय प्रमाणपत्र प्राप्त केलेले असणे आवश्यक आहे.

पात्र उमेदवाराचे वय २४ वर्ष असणे गरजेचे आहे. SC/ST उमेदवारांना वात ५ वर्षाची सूट दिली जाईल. दिव्यांग व्यक्तींना वयात १० वर्षे सूट दिली जाईल. या नोकरीसाठी अर्ज करण्यासाठी उमेदवारांना १०० रुपये फी भरावी लागेल. याशिवाय SC/ST/PWD आणि महिला उमेदवारांना कोणतेही शुल्क भरावे लागणार नाही.

या नोकरीसाठी अर्ज करण्यासाठी rrccr.com मध्य प्रदेशच्या अधिकृत वेबसाइटवर जा.त्यानंतर ऑनलाइन अर्ज या लिंकवर क्लिक करा. फॉर्ममध्ये दिलेली माहिती भरा. यानंतर आवश्यक कागदपत्रे आणि पासपोर्ट साइज फोटो अपलोड करा. यानंतर अर्जाची फी भरा. फॉर्म सबमिट करुन त्याची प्रिंटआउट डाउनलोड करा.

उमेदवारांची निवड १० वी आणि आयटीआयच्या गुणांच्या आधारे केली जाईल. निवड झालेल्या उमेदवारांना कागदपत्रे पडताळणीसाठी बोलावले जाईल. अर्ज करण्यापूर्वी एकदा अधिकृत वेबसाइटवर जाऊन संपूर्ण माहिती चेक करा.