NMMC Recruitment: १२वी पास आहात?नवी मुंबई महानगरपालिकेत नोकरीची संधी;जाणून घ्या सविस्तर

सरकारी नोकरी करण्याची अनेकांची इच्छा असते. जर तुम्हाला सरकारी नोकरी करायची असेल तर ही माहिती खास तुमच्यासाठी. नवी मुंबई महानगरपालिकेअंतर्गत विविध पदांसाठी भरती सुरु आहे. याबाबत जाहिरात प्रकाशित करण्यात आली आहे.

नवी मुंबई महानगरपालिकेत ७६ पदांसाठी भरती जाहीर करण्यात आली आहे. या नोकरीसाठी तुम्हाला ऑफलाइन पद्धतीने अर्ज करायचा आहे. याबाबत सर्व माहिती तुम्हाला नवी मुंबई महानगरपालिकेच्या अधिकृत वेबसाइटवर देण्यात आली आहे. नोकरीसाठी अर्ज करण्याची शेवटची तारीख २० सप्टेंबर २०२४ आहे.

बालवाडी शिक्षिका, बालवाडी मदतनीस, सहाय्यक शिक्षक या पदासाठी ही भरती जाहीर करण्यात आली आहे. बालवाडी शिक्षिका पदासाठी १६ जागा रिक्त आहेत. बालवाडी मदतनीस पदासाठी १२ जागा रिक्त आहेत तर सहायक शिक्षण पदासाठी ४८ जागा रिक्त आहेत. एकूण ७६ पदांसाठी ही भरती जाहीर करण्यात आली आहे.

पात्रता

बालवाडी शिक्षिका पदासाठी उमेदवाराने मान्यताप्राप्त विद्यापीठातून १२ वी पास आणि मॉन्टेसरी कोर्स केलेला असावा. बालवाडी मदतनीस पदासाठी उमेदवाराने मान्यताप्राप्त बोर्डातून १२ वी पास असणे गरजेचे आहे.सहाय्यक शिक्षक पदासाठी D.Ed किंवा B.Ed पास असणे गरजेचे आहे. या नोकरीसाठी तुम्हाला ऑफलाइन पद्धतीने अर्ज करायचा आहे.

आरोग्य विभाग, ३रा मजला, नवी मुंबई महानगरपालिका मुख्यालय, प्लॉट नंबर ०१, १५ ओ, किल्लोगावठाण जवळ, सीबीडी बेलापूर, नवी मुंबई ४००६१४ येथे अर्ज पाठवायचा आहे. या नोकरीसाठी कमाल वयोमर्यादा ७० वर्ष आहे. या नोकरीसाठी उमेदवाराला ६,००० ते १०,००० रुपये वेतन मिळणार आहे. नोकरीसाठी अर्ज करण्याची शेवटची तारीख २० सप्टेंबर २०२४ आहे.