राज्यातील सर्व तरुणांना नोकरीची संधी मिळावी किंवा त्यांना नोकरीबाबत माहिती मिळावी यासाठी मुख्यमंत्री युवा कार्य प्रशिक्षण योजना राबवण्यात आली आहे. या योजनेअंतर्गत विद्यार्थ्यांना नोकरीची संधी दिली जाते. यामध्ये त्यांना विविध ठिकाणी नोकरी दिली जाते. या कामातून त्यांना अनुभव मिळतो. अनुभवासोबतच त्यांना महिन्याला पगारदेखील दिला जातो. यामध्ये वेगवेगळ्या सरकारी विभागात नोकरीचा अनुभव घेता येतो.
जिल्हा परिषद शिक्षण विभागात विविध पदे भरती केली दाणार आहे. या योजनेअंतर्गत नाशिक जिल्हा परिषद येथे तुम्हाला नोकरी मिळू शकते. या नोकरीसाठी विद्यार्थ्यांना ऑफलाइन पद्धतीने अर्ज करु शकतात.१२वी पास/आयआटीआय/पदवी किंवा पदव्युतर उमेदवार या नोकरीसाठी अर्ज करु शकतात.
जिल्हा परिषदेत नोकरीसाठी अर्ज करणाऱ्या उमेदवाराचे वय १८ ते ३५ वर्ष असावे. अर्ज करणारा उमेदवार महाराष्ट्राचा रहिवासी असणे गरजेचे आहे. या नोकरीसाठी अर्ज करण्यापूर्वी उमेदवाराने कौशल्य, रोजगार, उद्योजकता विभागाच्या वेबसाइटवर आपली नोंदणी करणे आवश्यक आहे.
सहा महिन्याच्या कालावधीसाठी ही नोकरी देण्यात येणार आहे. या नोकरीसाठी १२वी पास उमेदवारांना ६ हजार रुपये, आयटीआय पदवी प्राप्त उमेदवाराला ८ हजार रुपये तर पदव्युतर उमेदवाराला १० हजार रुपये वेतन देण्यात येणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.