Kolhapur Recruitment: कोल्हापूरकरांनो महानगरपालिकेत नोकरीची मोठी संधी; अर्ज कसा कराल? जाणून घ्या

सरकारी नोकरीच्या शोधात असलेल्या तरुणांसाठी आनंदाची बातमी आहे. कोल्हापूर महानगरपालिकेत विविध पदांसाठी भरती करण्यात येणार आहे. महानगरपालिकेच्या इस्टेट विभागाकडे जीवरक्षक आणि पंप ऑपरेटर पदासाठी भरती करण्यात येणार आहे. याबाबत जाहिरात उप आयुक्त महानगरपालिकेद्वारे प्रकाशित करण्यात आली आहे.

१२ वी पास उमेदवार या नोकरीसाठी अर्ज करु शकतात. या नोकरीसाठी निवड झालेल्या उमेदवारांना ११,००० ते १६,००० रुपये मासिक वेतन दिले जाणार आहे.या नोकरीसाठी ऑफलाइन पद्धतीने अर्ज मागवण्यात आले आहे. मुलाखत घेऊन उमेदवारांची निवड केली जाणार आहे.

या नोकरीसाठी अर्ज करणाऱ्या उमेदवाराचे कमाल वय ४५ वर्ष असणार आहे. जीवरक्षक पदासाठी १२वी पास उमेदवार अर्ज करु शकतात. उमेदवाराला पोहता यायला हवे. तसेच संबंधित व्यक्तीला २ वर्षाचा कामाचा अनुभव असावा. पंप ऑपरेटर पदासाठी १२ वी पास उमेदवार अर्ज करु शकतात. उमेदवाराने इलेक्ट्रिशियन कोर्स पूर्ण केलेला असावा. महानगरपालिकेच्या ऑफिसमध्ये तुम्हाला अर्ज पाठवावा लागणार आहे.

६ सप्टेंबर २०२४ रोजी उमेदवारांना मुलाखतीसाठी बोलावण्यात येणार आहे. कोल्हापूर महानगरपालिका, मुख्य निवडणूक कार्यालय, ताराबाई पार्क, सासणे मैदानासमोर मुलाखतीसाठी उपस्थित राहायचे आहे.