IOB Recruitment: इंडियन ओवरसीज बँकेत सरकारी नोकरीची संधी; पगार मिळणार १,०५,२८० रुपये; अर्ज कसा करावा?

बँकेत सरकारी नोकरी करण्याचे स्वप्न पाहणाऱ्यांसाठी महत्त्वाची बातमी आहे. इंडियन ओवरसीज बँकेत नोकरी करण्याची सुवर्णसंधी तुमच्याकडे आहे. इंडियन ओवरसीज बँकेत सध्या स्पेशलिस्ट ऑफिसर पदांसाठी भरती जाहीर करण्यात आली आहे. या नोकरीसाठी अर्जप्रक्रिया सुरु झाली आहे. या नोकरीसाठी ऑनलाइन अर्ज करायचे आहे.

इंडियन ओवरसीज बँकेत भरती (Indian Overseas Bank Recruitment)

चांगल्या सरकारी बँकेत ऑफिसर होण्याची उत्तम संधी तुमच्याकडे आहे. तुम्हाला अधिकृत वेबसाइटवर जाऊन अर्ज करायचे आहे. www.iob.in या वेबसाइटवर तुम्हाला सविस्तर माहिती दिली आहे. त्यानुसार अर्ज करावेत. या नोकरीसाठी अर्ज करण्याची शेवटची तारीख ३ ऑक्टोबर २०२५ निश्चित करण्यात आली आहे.

शैक्षणिक पात्रता (Eligibility)

इंडियन ओवरसीज बँकेतील या नोकरीसाठी शैक्षणिक पात्रता पदानुसार वेगवेगळी असणार आहे. पदानुसार इंजिनियरिंग/ ग्रॅज्युएशन/ पोस्ट ग्रॅज्युएशन / CA/ CMA/ ICWA/ CFA किंवा एमबीए केलेले असावे. पदानुसार पात्रता वेगवेगळी असणार आहे. त्यामुळे तुमच्या पात्रतेनुसार वेगवेगळ्या पदासाठी अर्ज करावेत. या नोकरीसाठी १८ ते ३५ वयोगटातील उमेदवार अर्ज करु शकतात. राखीव प्रवर्गातील उमेदवारांना वयोमर्यादेत सूट देण्यात आली आहे. या नोकरीबाबत अधिकृत अधिसूचना वेबसाइटवर दिली आहे.

पगार

एमएमजीएस-II साठी निवड झालेल्या उमेदवारांना ६४,८२० रुपये पगार मिळणार आहे. अनुभवानुसार ९३,९६० रुपये पगार मिळणार आहे. तर एमएमजीएस-III (Middle Management Grade Scale III) पदासाठी ८,९२० रुपये ते १,०५,२८० रुपये पगार मिळणार आहे. याचसोबत इतर भत्तेदेखील मिळणार आहे.

निवडप्रक्रिया

या नोकरीसाठी इच्छुक उमेदवारांना परीक्षा द्यावी लागणार आहे. या परीक्षेत पास झाल्यावर तुम्हाला इंटरव्ह्यूसाठी बोलावले जाणार आहे.त्यामध्ये निवड झाल्यानंतरच तुमची निवड होईल. दरम्यान, यासाठी तुम्हाला वेबसाइटवर जाऊन अर्ज करायचा आहे.