Indian Oil Job: सरकारी नोकरीची संधी, इंडियन ऑइलमध्ये 'या' पदांसाठी निघाली भरती; अशा पद्धतीने करा अर्ज

सरकारी नोकरीच्या शोधात असणाऱ्या तरुणांसाठी आनंदाची बातमी आहे. इंडियन ऑइल कॉर्पोरेशन लिमिटेडमध्ये विविध पदांसाठी भरती जाहीर करण्यात आली आहे. इंडियन ऑइलमधील या नोकरीबाबत सर्व माहिती iocl.com या वेबसाइटवर देण्यात आली आहे.

इंडियन ऑइलमध्ये मेडिकल स्पेशलिस्ट पदासाठी भरती जाहीर करण्यात आली आहे. या नोकरीसाठी अर्जप्रक्रिया सुरु झाली आहे. इंडियन ऑइलच्या भरती माध्यमातून गुवाहाटी रिफायनरी हॉस्पिटलमध्ये ९ पदांसाठी भरती जाहीर करण्यात आली आहे. (Indian Oil Job)

इंडियन ऑइलमध्ये पॅथेलॉजिस्ट, त्वचा विशेषज्ञ, दंत चिकित्सक, ईएनटी विशेषज्ञ, मनोचिकित्सक, होमियोपॅथी डॉक्टर, सर्जन, कार्डियोलॉजिस्ट पदासाठी भरती जाहीर करण्यात आली आहे.इंडियन ऑइलमधील या नोकरीसाठी उमेदवारांची निवड वॉक इन इंटरव्ह्यूद्वारे केली जाणार आहे. या नोकरीसाठी इच्छुक उमेदवारांनी आवश्यक कागदपत्रे आणि अर्जासह मुलाखतीच्या ठिकाणी उभे राहायचे आहे.

या नोकरीसाठी इच्छुक उमेदवारांनी सकाळी १० ते १२ वाजेपर्यंत डेप्युटी जनरल मॅनेजर कार्यालय, गुवाहाटी रिफाइनरी हॉस्पिटल, इंडियन ऑइल कॉर्पोरेशन लिमिटेड, गुवाहाटी येथे उपस्थित राहायचे आहे. (Indian Oil Recruitment)

अन्न व औषध प्रशासन विभाग भरती

सरकारी नोकरीच्या शोधात असणाऱ्या तरुणांसाठी सध्या अन्न वऔषध प्रशासनाअंतर्गत भरती जाहीर करण्यात आली आहे. अन्न व औषध प्रशासनात विश्लेषण रसायन शास्त्रज्ञ (गट ब ) आणि वरिष्ठ तांत्रिक सहाय्यक या पदासाठी भरती जाहीर करण्यात आली आहे. या नोकरीसाठी उमेदवारांना १ लाख १२ हजार रुपये पगार मिळणार आहे.