High Court Bharti 2024: दहावी पास तरुणांना हायकोर्टात नोकरीची सुवर्णसंधी; तब्बल ९२००० रुपये मिळणार पगार, अर्ज कसा कराल?

तुम्ही १० वी उत्तीर्ण असाल आणि नोकरीच्या शोधात असाल तर ही माहिती खास तुमच्यासाठी. मुंबई उच्च न्यायालयात आणि नागपूर खंडपीठात भरती सुरु आहे. रिक्त पदे भरण्यासाठी ही भरती राबवण्यात आली आहे. या पदांसाठी ऑनलाइन अर्ज मागवण्यात आले आहेत. १० वी पास उमेदवार या भरतीसाठी अर्ज करु शकतात. मुंबई उच्च न्यायालय अंतर्गत नागपूर उच्च न्यायालयात रिक्त पदे भरण्यात येणार आहे. यासाठी मुंबई उच्च न्यायालय, नागपूर खंडपीठाद्वारे जाहिरात प्रकाशित करण्यात आली आहे.

उच्च न्यायालयात सरकारी विभागात ही भरती केली जाणार आहे. त्यामुळे जर तुम्ही सरकारी नोकरी हवी असेल तर नक्की अर्ज करा. या नोकरीसाठी १० वी उत्तीर्ण उमेदवार अर्ज करु शकतात. वाहनचालक या पदासाठी ही भरती केली जात आहे. या नोकरीसाठी निवड झालेल्या उमेदवारांना २९,२०० रुपये ते ९२,३०० रुपये वेतन दिले जाणार आहे.

या भरतीसाठी २१ ते ४३ वयोगटातील उमेदवार अर्ज करु शकतात. या नोकरीसाठी उमेदवार कमीत कमी दहावी पास असणे गरजेचे आहे. उमेदवाराला मराठी आणि हिंदी भाषा येणे गरजेचे आहे. उमेदवाराकडे मोटर चालवण्याचा परवाना असणे गरजेचे आहे. उमेदवाराकडे जवळपास किमान ३ वर्ष हलके किंवा जड वाहन चालवण्याचा अनुभव असावा. उमेदवाराचा वाहन चालवण्याचा रेकॉर्ड चांगला असावा. चारचाकी वाहनाची किरकोळ दुरुस्ती करण्याचा अनुभव असणे गरजेचे आहे. एकूण ८ रिक्त पदांसाठी ही भरती करण्यात येणार आहे.

या भरतीसाठी नोकरीचे ठिकाण नागपूर आहे. निवड झालेल्या उमेदवारांची वैद्यकीय चाचणी घेतली जाईल. त्याची कागदपत्रे पडताळणी केली जाईल. त्यानंतर या नोकरीसाठी त्याची निवड केली जाईल. या नोकरीसाठी अर्ज करण्याची शेवटची तारीख ३ जुलै २०२४ आहे.