Indian Oil Job: इंडियन ऑइलमध्ये नोकरीची संधी; या पदासाठी भरती सुरु; पात्रता अन् अर्जप्रक्रिया जाणून घ्या

नोकरीच्या शोधात असणाऱ्या तरुणांसाठी आनंदाची बातमी आहे. इंडियन ऑइल कॉर्पोरेशनमध्ये नोकरी करण्याची सुवर्णसंधी तुमच्याकडे आहे. इंडियन ऑइलच्या या नोकरीबाबत सविस्तर माहिती अधिकृत वेबसाइटवर देण्यात आली आहे.

इंडियन ऑइलमध्ये पार्ट टाइम डॉक्टर इन अटेंडेंस पदासाठी भरती करण्यात येणार आहे. यासाठी तुम्हाला iocl.com या वेबसाइटवर जाऊन अर्ज करायचा आहे. या नोकरीसाठी अर्ज करण्याची शेवटची तारीख ३१ डिसेंबर २०२४ आहे.

इंडियन ऑइलमधील नोकरीसाठी अर्ज करणाऱ्या उमेदवारांनी मान्यताप्राप्त विद्यापीठातून MD (मेडिसिन), MS (जनरल सर्जरी)/MBBS डिग्री असायला हवी. याचसोबत कामाचा २ वर्षाचा अनुभव असायला हवा.

या नोकरीसाठी एमडी (MD) आणि एमएस (MS) उमेदवारांना प्रत्येक तासाला १४०० रुपये मिळणार आहे. या नोकरीसाठी ३६,४०० रुपये पगार मिळणार आहे. जर एमबीबीएस डिग्रीप्राप्त उमेदवारांना २९,३८० रुपये पगार मिळणार आहे.

या नोकरीसाठी इच्छुक उमेदवारांनी अर्ज उप महाप्रबंधक, इंडियन ऑइल कॉर्पोरेशन लिमिटेड, ईआरपीएल, पाटणा, पोस्ट ऑफिस ढेलवान, बिहार येथे अर्ज पाठवायचा आहे. ज्यांचे मेडिकलमध्ये शिक्षण झाले आहे त्यांनी या नोकरीसाठी अर्ज करावेत.

सेंट्रल बँकेत भरती

सध्या सेंट्रल बँकेत नोकरीची सुवर्णसंधी आहे. सेंट्रल बँक ऑफ इंडियामध्ये बिझनेस कॉरेस्पॉडंट पदासाठी भरती जाहीर करण्यात आली आहे. या नोकरीसाठी इच्छुक उमेदवारांनी अर्ज करावेत. या नोकरीसाठी अर्ज करण्याची शेवटची तारीख ३ जानेवारी २०२५ आहे. २१ ते ४५ वयोगटातील उमेदवार या नोकरीसाठी अर्ज करु शकतात.