Government Job: १२ वी पास तरुणांसाठी नोकरीची सुवर्णसंधी; जिल्हाधिकारी कार्यालयात सुरु आहे भरती;अर्ज कसा करायचा?जाणून घ्या सविस्तर

तुमचे शिक्षण पूर्ण झाले आहे आणि तुम्ही नोकरीच्या शोधात असाल तर ही माहिती खास तुमच्यासाठी. १२ वी पास आणि पदवीधर तरुणांना नोकरीची सुवर्णसंधी आहे. औद्योगिक प्रशिक्षण संस्था येथे मुख्यमंत्री कार्य प्रशिक्षण योजनांतर्गत भरती केली जाणार आहे. जिल्हाधिकारी कार्यालयात तरुणांना नोकरीची सुवर्णसंधी आहे. या नोकरीसाठी इच्छुक उमेदवार अर्ज करु शकतात.

जिल्हाधिकारी कार्यलय परभणीगद्वारे ही भरती केली जाणार आहे. सरकारी विभागात नोकरी मिळवण्याची ही सुवर्णसंधी आहे. कॉम्प्युटर ऑपरेटर आणि शिपाई पदांसाठी ही भरती केली जाणार आहे.या नोकरीसाठी उमेदवारांना ऑनलाइन पद्धतीने अर्ज करु शकतात. या नोकरीमध्ये कॉम्प्युटर ऑपरेटर या पदासाठी १०,००० रुपये मासिक मानधन मिळणार आहे. तर शिपाई पदासाठी ६,००० रुपये मासिक वेतन देण्यात येणार आहे.

या नोकरीसाठी १८ ते ४० वयोगटातील उमेदवार अर्ज करु शकतात. ६ महिन्यांच्या कालावधीसाठी ही भरती करण्यात येणार आहे. ६ रिक्त पदे भरण्यात येणार आहे. या नोकरीसाठी https://rojgar.mahaswayam.gov.in/#/home/index या वेबसाइटवर जाऊन अर्ज करावा लागणार आहे. ५ ऑगस्ट ही अर्ज करण्याची शेवटची तारीख आहे.

सध्या नोकरीच्या अनेक संधी आहेत. रेल्वेमध्ये विविध पदांसाठी भरती सुरु आहे. पश्चिम रेल्वेत मेडिकल प्रोफेशनल पदासाठी ही भरती जाहीर करण्यात आली आहे. तर यावर्षी रेल्वेमध्ये जवळपास १०८८८ पदांसाठी भरती करण्यात येणार आहे. त्यामुळे इच्छुक उमेदवारांनी रेल्वेच्या वेबसाइटवर जाऊन अर्ज करावेत.