BSF Recruitment: १०वी पास तरुणांसाठी सरकारी नोकरीची संधी; ३५८८ पदांसाठी बीएसएफमध्ये भरती; अर्ज कसा करावा?

सीमा सुरक्षा दल म्हणजे बीएसएफमध्ये नोकरी करण्याची सुवर्णसंधी तुमच्याकडे आहे. बीएसएफमध्ये सरकारी नोकरीची संधी आहे. या नोकरीसाठी इच्छुकांनी लवकरात लवकर अर्ज करावेत. बीएसएफमध्ये कॉन्स्टेबल ट्रेड्समॅन पदांसाठी भरती जाहीर करण्यात आली आहे. यासाठी अधिसूचना जाहीर करण्यात आली आहे.

बीएसएफमधील या नोकरीसाठी तुम्ही bsf.gov.in वेबसाइटवर जाऊन अर्ज करायचे आहेत. या नोकरीसाठी तुम्ही २६ जुलैपासून अर्ज करु शकतात. या नोकरीसाठी २५ ऑगस्ट ही अर्ज करण्याची शेवटची तारीख आहे.

या भरती मोहिमेत ३,५८८ पदे भरली जाणार आहे. यातील ३,४०६ पुरुष उमेदवारांसाठी राखीव असणार आहे. १८२ पदे ही महिला उमेदवारांसाठी असणार आहे. मोची, प्लंबर, पेंटर, इलेक्ट्रिशियन आणि इतर ट्रेडमधील भरती जाहीर करण्यात आली आहे.

BSF मधील या नोकरीबाबत सर्व माहिती अधिकृत वेबसाउटवर देण्यात आली आहे.या नोकरीसाठी १८ ते २५ वयोगटातील उमेदवार अर्ज करु शकतात. या नोकरीसाठी राखीव प्रवर्गातील उमेदवारांना सूट देण्यात आली आहे.

टेक्निकल ट्रेडमधील पदांसाठी १०वी पास असणे गरजेचे आहे. तसेच संबंधित ट्रेडमध्ये दोन वर्षांचा कोर्स करुन ITI सर्टिफिकेट प्राप्त केलेली असावी. नॉन टेक्निकल पदासाठी मान्यताप्राप्त बोर्डातून १०वी पास असणे गरजेचे आहे. याचसोबत स्कील्ड असणे गरजेचे आहे.

या नोकरीसाठी उमेदवारांची निवड टेस्टद्वारे होणार आहे. त्यानंतर कागदपत्रे पडताळणी केली जाणार आहे. त्यानंतर तुमची निवड केली जाणार आहे. या नोकरीबाबत सर्व माहिती अधिसूचनेत दिलेली आहे. त्यामुळे इच्छुकांनी अर्ज करावेत.चांगल्या सरकारी विभागात नोकरी करण्याची ही उत्तम संधी आहे.