BMC Recruitment: बृहन्मुंबई महानरपालिकेत नोकरीची संधी; या पदांसाठी भरती सुरु; अर्ज कसा करावा?

बृहन्मुंबई महानगरपालिकेअंतर्गत नोकरी करण्याची सुवर्णसंधी तुमच्याकडे आहे. बृहन्मुंबई महानगरपालिकेअंतर्गत क्षयरोग रुग्णालय, समूह येथे भरती जाहीर करण्यात आली आहे. या नोकरीसाठी इच्छुकांनी अर्ज करावेत. या नोकरीची अधिकृत जाहिरात बीएमसी, सार्वजिनक आरोग्य खाते व क्षयरोग रुग्णालयाद्वारे प्रसिद्ध करण्यात आले आहे.

बृहन्मुंबई महानगरपालिकेत कंत्राटी औषधनिर्माता, कंत्राटी समाज विकास अधिकारी या पदांसाठी भरती जाहीर करण्यात आली आहे. या नोकरीसाठी १७ ते ३८ वयोगटातील उमेदवार अर्ज करु शकतात. या नोकरीसाठी तुम्हाला ऑफलाइन पद्धतीने स्वतः जाऊन अर्ज करायचा आहे.

शैक्षणिक पात्रता

कंत्राटी औषधनिर्माता पदासाठी अर्ज करणाऱ्या उमेदवारांनी राज्य शासनाच्या तंत्रशिक्षण मंडळाची फार्मसीमधील पदवी प्राप्त केलेली असावी. याचसोबत विद्यापीठातून फार्मसीमधील पदवी असलेले उमेदवारदेखील अर्ज करु शकतात. कंत्राटी समाज विकास अधिकारी पदासाठी अर्ज करणाऱ्या उमेदवारांनी समाज विद्यापीठाची मेडिकल विषयात पदवी प्राप्त केलेली असावी किंवा कोणत्याही मान्यताप्राप्त विद्यापीठातून Master in Social Work In Genetic मध्ये पदवी प्राप्त केलेली असावी.

बृहन्मुंबई महानगरपालिकेअंतर्गत होणाऱ्या या भरतीमध्ये ५ पदे भरली जाणार आहे. या नोकरीसाठीचे ठिकाण मुंबई असणार आहे. या नोकरीसाठी निवड झाल्यावर तुम्हाला २०,००० ते २५,००० रुपये पगार मिळणार आहे. या नोकरीसाठी तुम्हाला १२ सप्टेंबरपर्यंत अर्ज करायचा आहे.यासाठी तुम्हाला अर्ज वैद्यकीय अधिक्षक, क्षयरोग रुग्णालय समूह, जेरबाई वाडिया रोड, शिवडी, मुंबई ४०००१५ या पत्त्यावर पाठवायचा आहे.