IOCL Recruitment: इंडियन ऑइलमध्ये नोकरीची संधी; ५३७ रिक्त जागा; कधीपर्यंत अर्ज करता येणार? वाचा सविस्तर

शिक्षण पूर्ण झालंय आणि नोकरी शोधताय तर ही बातमी खास तुमच्यासाठी. इंडियन ऑइल कॉर्पोरेशन लिमिटेडमध्ये नोकरी करण्याची सुवर्णसंधी तुमच्याकडे आहे. इंडियन ऑइलमध्ये पाइपलाइन डिवीजनमध्ये भरती करण्यात येणार आहे. अप्रेंटिस पदांसाठी ही भरती केली जाणार आहे. ज्या विद्यार्थ्यांचे नुकतेच शिक्षण पूर्ण झालं आहे आणि ते नोकरी शोधताय त्यांच्यासाठी ही उत्तम संधी आहे.

इंडियन ऑइलमधील या नोकरीसाठी इच्छुकांनी लवकरात लवकर अर्ज करावेत. या नोकरीसाठी अर्ज करण्याची शेवटची तारीख १८ सप्टेंबर २०२५ आहे.या नोकरीसाठी तुम्हाला ऑनलाइन पद्धतीने अर्ज करायचा आहे.

इंडियन ऑइल कॉर्पोरेशन लिमिटेडमधील (IOCL Bharti) या भरती मोहिमेत एकूण ५३७ रिक्त पदे भरती केली जाणार आहेत. ईस्टर्न रिजन पाइपलाइनमध्ये १५६ पदे रिक्त आहेत. वेस्टर्न रीजन पाइपलाइनसाठी १५२ पदे रिक्त आहेत. नॉर्दर्न रीजन पाइपलाइनसाठी ९७ पदे रिक्त आहे. साउथ रीजन पाइपलाइनमध्ये ४७ पदे भरती केली जाणार आहे. साउथ ईस्टर्न रीजन पाइपलाइनमध्ये ८५ पदे रिक्त आहेत.

या भरती मोहिमेत अर्ज करणाऱ्या उमेदवाराने आयआयटीमध्ये दोन वर्षाचा डिप्लोमा केलेला असावा किंवा शेवटच्या वर्षात शिक्षण घेत असावे. याचसोबत डिप्लोमा, बॅचलर डिग्रीप्राप्त उमेदवार अर्ज करु शकतात. या नोकरीसाठी २८ ते २४ वयोगटातील उमेदवार अर्ज करु शकतात. राखीव प्रवर्गातील उमेदवारांना वयोमर्यादेत सूट देण्यात आली आहे.

या भरती मोहिमेत तुम्हाला वेगवेगळ्या पोर्टलवरुन अर्ज करायचे आहेत. याबाबत वेबसाइटवर अधिसूचना जारी केली आहे. इच्छुकांनी ही अधिसूचना वाचावी त्यानंतरच अर्ज करावेत. या नोकरीसाठी उमेदवारांची निवड मेरिट लिस्टद्वारे केली जाणार आहे. यानंतर कागदपत्रे पडताळणी केली जाणार आहे. त्यानंतर उमेदवारांची नियुक्ती केली जाणार आहे.