Bank Jobs: पदवीधरांना बँकेत ऑफिसर होण्याची सुवर्णसंधी; UCO बँकेत भरती सुरु; जाणून घ्या सविस्तर

बँकेत नोकरी करण्याची अनेकांची इच्छा असते. जर तुम्हालाही नोकरी करायची असेल तर ही बातमी खास तुमच्यासाठी. युको बँकेत विविध पदांसाठी भरती जाहीर करण्यात आली आहे. १२ रिक्त पदांसाठी ही भरती केली जाणार आहे. या नोकरीसाठी अर्ज करण्याची शेवटची तारीख २६ नोव्हेंबर २०२४ आहे.

युको बँकेत सिनियर रिस्क ऑफिसर, डेटा संरक्षण अधिकारी, मुख्य व्यवस्थापक, व्यवस्थापक डेटा विश्लेषक, व्यवस्थापक अर्थशास्त्रज्ञ, ऑपरेशनल जोखीम सल्लागार, संरक्षण बँकिंग सल्लागार पदासाठी ही भरती जाहीर करण्यात आली आहे. त्यामुळे बँकेत अधिकारी होण्याची ही चांगली संधी आहे. या नोकरीसाठी इच्छुक उमेदवारांनी लवकरात लवकर अर्ज करावेत. (Bank Job)

या नोकरीसाठी अर्ज करणाऱ्या उमेदवाराने मान्यताप्राप्त विद्यापीठातून पदवी प्राप्त केलेली असावी. तसेच पदव्युतर पदवी प्राप्त उमेदवारदेखील अर्ज करु शकतात.B.E/B.Tech/M.Tech/B.Sc/M.sc पदवी प्राप्त उमेदवारदेखील अर्ज करु शकतात.

या नोकरीसाठी तुम्हाला ऑनलाइन पद्धतीने अर्ज करायचा आहे. ३५ ते ५० वयोगटातील उमेदवार या नोकरीसाठी अर्ज करु शकतात.या नोकरीसाठी अर्ज करताना ६०० रुपये फी भरावी लागणार आहे. तर राखीव प्रवर्गातील उमेदवारांना १०० रुपये फी भरायची आहे.या नोकरीसाठी अर्ज करण्याची शेवटची तारीख २६ नोव्हेंबर २०२४ आहे. (UCO Bank Recruitment)

SIDBI भरती (SIDBI Recruitment)

सध्या स्मॉल इंडस्ट्रीज डेव्हलपमेंट बँक ऑफ इंडियामध्ये भरती जाहीर करण्यात आली आहे. ग्रेड ए आणि ग्रेड बी ऑफिसर पदासाठी ही भरती जाहीर करण्यात आली आहे.यासाठी तुम्हाला ऑनलाइन पद्धतीने अर्ज करायचा आहे. या नोकरीसाठी अर्ज करण्याची शेवटची तारीख २ डिसेंबर २०२४ आहे. इच्छुक उमेदवारांनी मुदतीपूर्वी अर्ज करावेत.