Government Job: सरकारी नोकरी अन् १२२८०० रुपये पगार; आदिवासी विकास विभागात भरती सुरु; पात्रता काय? जाणून घ्या

सरकारी नोकरीच्या शोधात असणाऱ्या तरुणांसाठी आनंदाची बातमी आहे. आदिवासी विकास विभागात भरती सुरु आहे. महाराष्ट्र शासनाच्या सरकारी विभागात नोकरी करण्याची ही चांगली संधी आहे. नागपूर येथे ही भरती केली जाणार आहे. या नोकरीबाबत अधिसूचना प्रकाशित करण्यात आली आहे.

महाराष्ट्र शासनाच्या आदिवासी विकास विभागात ११५ जागांसाठी भरती जाहीर करण्यात आली आहे. या नोकरीसाठी तुम्ही ऑनलाइन पद्धतीने अर्ज करायचे आहे. या नोकरीसाठी अर्जप्रक्रिया १२ ऑक्टोबरपासून सुरु झाली आहे. या नोकरीसाठी अर्ज करण्याची शेवटची तारीख १२ नोव्हेंबर २०२४ आहे. (Adivasi Vikas Vibhag Bharti)

आदिवासी विकास विभागात ११५ रिक्त पदांसाठी भरती करण्यात येणार आहे. वरिष्ठ आदिवासी विकास निरीक्षक, संशोधन सहाय्यक, मुख्य लिपिक, सांख्यिकी सहाय्यक, आदिवासी विकास निरीक्षक, वरिष्ठ लिपिक, कनिष्ठ शिक्षण विस्तार अधिकारी, लॅब असिस्टंट अशा अनेक पदांसाठी ही भरती केली जाणार आहे.

या नोकरीसाठी इच्छुक उमेदवारांनी लवकरात लवकर अर्ज करावेत. वरिष्ठ आदिवासी विकास निरीक्षक पदासाठी अर्ज करणाऱ्या उमेदवाराने मान्यताप्राप्त विद्यापीठातून कला/विज्ञान / कॉमर्स किंवा कायदा शाखेतून पदवी प्राप्त केलेली असावी. संशोधन सहाय्यक पदासाठी अर्ज करणाऱ्या उमेदवाराने गणित / अर्थशास्त्र / कॉमर्स शाखेत पदवी प्राप्त केलेली असावी. मुख्यलिपिक पदासाठी पदवीधर उमेदवार अर्ज करु शकतात.लघुटंकलेखक पदासाठी १०वी पास उमेदवार अर्ज करु शकतात. तसेच त्या व्यक्तीकडे शॉर्टहँड टायपिंगचे प्रमाणपत्र असायला हवे. ग्रंथपाल पदासाठी १०वी पास उमेदवार अर्ज करु शकतात. लघुलेखक पदासाठी दहावी आणि बारावी पास उमेदवार अर्ज करु शकतात. याचसोबत उमेदवाराने इंग्रजी टायपिंगचा कोर्स केलेला असावा. (Government Job)

या नोकरीसाठी उमेदवारांनी १९,००० ते १,२२,८०० रुपये पगार मिळणार आहे. या नोकरीसाठी इच्छुक उमेदवारांना १२ नोव्हेंबरपूर्वी अर्ज करावेत. या नोकरीचे ठिकाण नागपूर असणार आहे. या नोकरीसाठी १८ ते ३८ वयोगटातील उमेदवार अर्ज करु शकतात. (Job Application process)