हरियाणाच्या राधिका यादव हत्याकांडात प्रकरणात रोज नवनवीन खुलासे होत आहेत. गुरुवारी सकाळी १०.३० वाजता राधिकाचे वडील दीपक यादव यांनी तिची गोळ्या झाडून हत्या केली. राधिकाच्या पाठीवर तीन आणि खांद्यावर एक गोळी लागली. या गोळीबारात राधिकाचा जागीच मृत्यू झाला. राधिका हत्याकांड प्रकरणात आता नवीन ट्विस्ट आला आहे. राधिकाची जिवलग मैत्रिण हिमांशिकाने सोशल मीडियावर एक व्हिडीओ पोस्ट केला आहे. याद्वारे हिमांशिकाने अनेक धक्कादायक खुलासे केले आहेत.
हिमांशिका व्हिडिओमध्ये सांगितले की, राधिकाचे वडील गेल्या तीन दिवसांपासून तिच्या हत्येचा कट रचत होते आणि या नियोजनाचा एक भाग म्हणून तिचा भाऊ आणि त्याचा कुत्रा घरापासून दूर ठेवण्यात आला होता जेणेकरून ते राधिकाला वाचवू शकणार नाहीत.' काही लोकांचे म्हणणे ऐकून तिच्या वडिलांनी राधिकाची हत्या केल्याचा दावाही मैत्रिणीने केला आहे. त्या लोकांनी त्यांना राधिकाला वेश्याव्यवसाय करायला लाव असे टोमणे मारले होते.
राधिकाच्या मैत्रिणीने दावा केला की, तिच्या वडिलांचा मित्र राधिकाच्या यशावर खूपच जळत होता. आता ती मेकअप करायला लागली, तोकडे कपडे घालू लागली, आता तू तिच्या पैशावर जगू लागला आहेस, आता तू तिला वेश्याव्यवसाय करायला लावायला हवे, अशा शब्दात काही लोकं राधिकाच्या वडिलांना टोमणे मारत होते.
राधिकाच्या रील बनवण्याच्या मुद्द्यावरही हिमांशिकाने दावा केला की, 'राधिकाच्या अकाउंटमध्ये फक्त ६८ लोक होते आणि तिने तिचे अकाउंट प्रायवेट केले होते. जर एखादी व्यक्ती रील बनवते तर त्याच्या अकाउंटवर इतके कमी फॉलोअर्स नसतात. मी तिला ओळखत होतो. ती खूप चांगली मुलगी होती.'
राधिकाच्या वडिलांनी अटकेनंतर पोलिसांना सांगितले की, माझ्या हातून मोठी चूक झाली. मी कन्यावध केला. मला फाशी द्या. लोकं मला मुलीच्या कमाईवर खातो असे टोमणे मारत होते. त्यामुळे मी खूप चिंतेत होतो. मी राधिकाला ट्रेनिंग स्कूल बमंद करण्यास सांगितले होते. पण तिने माझे ऐकले नाही त्यामुळे मी खूप चिंतेत होतो आणि मी तिची हत्या केली.'
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.