Yes Bank Scam: येस बँक घाेटाळ्याचे प्रमुख सूत्रधार राणा कपूर यांना जामीन मंजूर

नवी दिल्ली : मुंबईच्या सत्र न्यायालयाने आज येस बँकेचे माजी एमडी आणि सीईओ राणा कपूर (Rana Kapoor) यांना बँकेचे ३०० कोटींहून अधिक रकमेच्या नुकसानाशी संबंधित मनी लॉन्ड्रिंग प्रकरणात जामीन (bail) मंजूर केला. मनी लाँडरिंग प्रतिबंधक कायदा (PMLA) अंतर्गत विशेष न्यायालयाने कपूर (former MD and CEO of YES Bank Rana Kapoor) यांस काही अटींवर जामीन मंजूर केला.

कपूर यांना देश सोडून जाता येणार नाही असे न्यायालयाने नमूद करीत त्यांचा पासपोर्ट जप्त करण्याचे निर्देश दिले. दिल्ली उच्च न्यायालयाने बुधवारी कपूर यांच्या जामीन अर्जावर सक्त वसूली संचालनालयाकडून (Enforcement Directorate) उत्तर मागितले होते.

ईडीने दाखल केलेल्या आरोपपत्राची दखल घेत न्यायालयाने समन्स बजावल्यानंतर राणा कपूरने ट्रायल कोर्टात जामीन अर्ज दाखल केला होता. राणा कपूरचा गुन्ह्यातील सहभाग महत्त्वाचा असल्याच्या कारणावरून ईडीने या अर्जाला विरोध केला होता. दरम्यान न्यायमूर्ती एमके ओहरी यांच्या खंडपीठाने ईडीकडून म्हणणे मागितले असून अतिरिक्त सुनावणीसाठी हा खटला ११ मार्चला सुनावणीसाठी ठेवला आहे.

Edited by: Siddharth Latkar