दौसा : पत्नीने (Wife) आपल्या पतीच्या हत्येचा कट रचत प्रियकराच्या साथीने त्याची हत्या केल्याची धक्कादायक घटना घडली आहे. राजस्थानच्या दौसा येथे ही घटना घडली आहे. दौसाच्या चांदसेन गावात महिलेने प्रियकराच्या मदतीने पतीची हत्या केल्याने एकच खळबळ उडाली आहे. सदर हत्येप्रकरणी पोलिसांनी गुन्हा (Crime) नोंद केला आहे. आरोपी महिला आणि प्रियकराला अटक केली आहे. (rajasthan crime News In Marathi )
हे देखील पाहा -
मिळालेल्या माहितीनुसार, एक वर्षाआधी ओम प्रकाश गुर्जर आणि रेशंता यांचा विवाह झाला होता. तरीही रेशंताचे दुसऱ्या गावात राहणाऱ्या धर्मवीरसोबत अनैतिक संबंध होते. धर्मवीर हा रेशंताचा नात्याने दूरचा काका लागत होता. नात्याने काका असूनही दोघांचे अनैतिक संबंध सुरू होते. त्यामुळे दोघांनी पती ओम प्रकाश गुर्जरच्या हत्येचा कट रचला. रेशंताने झोपेच्या गोळ्या मागविल्या. त्यानंतर तिनं पतीच्या रात्रीच्या जेवणात १० गोळ्या टाकल्या. त्यानंतर रेशंताच्या पतीला गाढ झोप लागली. पती झोपी जाताच तिनं प्रियकराला बोलावून घेतले.
पत्नी रेशंतानं प्रियकराला बोलावून त्याचा हातात कुऱ्हाड सोपावली. त्या कुऱ्हाडीने रेशंताच्या पतीची हत्या केली. आरोपी धर्मवीरने त्यांच्या लग्नाच्या पहिला वाढदिवसालाच कुऱ्हाडीनं दोन वेळा हल्ला करत रेशंताच्या पतीची हत्या केली. त्यानंतर दोघेही दुचाकीनं फरार झाले. सकाळी नातेवाईक ओम प्रकाश गुर्जरला उठवायला आले, त्यापर्यंत त्याचा मृत्यू झाला होता. ओमच्या मृत्यूनं परिसरात एकच खळबळ उडाली. त्यानंतर पोलिसही घटनास्थळी हजर झाले. सदर हत्येप्रकरणी हत्येचा गुन्हा नोंद केला. अवघ्या १२ तासांच्या आत आरोपी महिला आणि आरोपी प्रियकराला बेड्या ठोकल्या.
Edited By - Vishal Gangurdrde
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
