Chhattisgarh News: पतीने पाय दाबून दिले नाहीत म्हणून पत्नीने संपवलं जीवन; धक्कादायक घटनेनं परिसरात खळबळ

आजकाल सहज लहान लहान कारणांवरुन नवरा- बायकोमध्ये वाद होत असतात. अगदी क्षुल्लक कारणांवरुन पती-पत्नी पोलीस ठाण्यात पोहचल्याच्या अनेक प्रकार समोर येत आहेत. अनेकदा यांच्यातील वाद टोकाला जातात हे समजतं नाही.

छत्तीसगडमधून एक धक्कादायक घटना समोर आली आहे. जिथे नवऱ्याने पाय दाबून दिले नाही,म्हणून नाराज असलेल्या पत्नीने गळफास घेऊन आत्महत्या केली आहे. सध्या या घटनेने संपूर्ण संबंधित परिसरात मोठी खळबळ उडाली असून या प्रकरणाचा अधिक तपास पोलीस करत आहेत.

मिळालेल्या माहितीनुसार, छत्तीसगड(chhattisgarh)मधील बिलासपूर येथे ही धक्कादायक घटना घडली असून सूशीला साहू असे आत्महत्या केलेल्या महिलेच नाव आहे. सूशीला आणि तिचा पती भूपेद्र यांचा सहा- वर्षापूर्वी प्रेमविवाह झाला असून त्यांना तीन वर्षाचा मुलगा आहे. लग्न केल्यानंतर दोघंही देवरीडीह येथील तोरवा भागात वास्तव्यास आहेत.

काय घडले ?

पोलिसांनी दिलेल्या माहितीनुसार, ता.२० जून गुरुवारी रोजी सुशीलाची तब्येत जरा ठीक नव्हती. त्यामुळे सुशीलाने आपल्या पतीस भुपेंद्र याला पाय दाबण्यास सांगितले मात्र भुपेंद्र घरातील इतर कामात व्यस्त होता त्यानंतर सुशीला आपल्या खोलीत गेली. भुपेंद्रचे काम झाल्यानंतर तो आपल्या मुलासोबत दुसऱ्या खोलीत झोपून केला.

मात्र भुपेंद्रने पाय न दाबल्याने सुशीला त्याच्यावर नाराज होती. काही कारणांमुळे भुपेंद्रला जाग येते त्यानंतर तो सुशीलाच्या खोलीत जातो. मात्र खोलीत जाताच सुशीला फासावर लटकलेली दिसली. घाबरलेल्या भुपेंद्रने तिला खाली उतरवून तात्काळ जवळील रुग्णालयात(hospital) नेले.मात्र डॉक्टरांनी तिला मृत घोषित केले. रुग्णालय प्रशासनाकडून याबाबतची माहिती पोलिसांनी देण्यात आली. या घटनेमागील नेमके कारण स्पष्ट झालेले नसल्याने या प्रकरणाचा अधित तपास पोलिसांकडून करण्यात येणार आहे.